ماڭعىستاۋعا قر پرەمەر-ءمينيسترىنىڭ ورىنباسارى جۇمىس ساپارىمەن كەلدى

​وسىدان كەيىن ر.سكليار باستاعان جۇمىس توبى مۇنايلى اۋدانىندا جەم-ءشوپ دايىندايتىن «جامالبەك» جشس –نىڭ جۇمىسىمەن تانىستى. جوبا ىسكە قوسىلعاندا زاۋىت جىلىنا 15 مىڭ توننا ءونىم شىعارادى. بۇگىندە وندا قۇرىلىس جۇمىستارى اياقتالۋعا جاقىن. ​كەزدەسۋ بارىسىندا وبلىس اكىمىنىڭ ورىنباسارى ع.نيازوۆ وڭىردە مال ازىعىمەن قامتاماسىز ەتۋ ماسەلەلەرى تۋرالى باياندادى.

— جىل باسىنان بەرى وبلىسقا 37 000 توننانى تاسىمالداندى. ونىڭ 30 000 تونناسى وزگە ايماقتاردان، قالعان 4 000 تونناسى جەرگىلىكتى جەردەن شابىلدى. سونداي-اق، وزگە وبلىستاردان كومەك رەتىندە كەلگەن 3 000 توننا تەگىن شوپتەر وبلىستىڭ قۋاڭشىلىق سالدارىنان زارداپ شەككەن شارۋا قوجالىقتارىنا تاراتىلدى. جالپى وبلىسقا قىس مەزگىلىنە نورماتيۆ بويىنشا 53 مىڭ توننا جەم قاجەت. بۇگىنگى كۇنى ونىڭ 19 مىڭ تونناسى وزگە وبلىستاردان تاسىمالداندى. قالعان 34 مىڭ توننا جەمدى ساتىپ الۋعا تولىق قاراجاتىمىز بار،- دەدى وبلىس اكىمىنىڭ ورىنباسارى.

ر.سكليار قىسقى مال ازىعىن دايىنداۋ جۇمىستارىن دۇرىس ۇيىمداستىرۋدى تاپسىردى.

​بۇدان كەيىن پرەمەر-ءمينيسترىنىڭ ورىنباسارى اقتاۋ ماڭىندا تاعى ءبىر سالىنىپ جاتقان اۆتوموبيل جولىنىڭ جۇمىسىن كوردى. ول "حوندا" ورتالىعىنان ومىرزاق اۋىلىنداعى "ت"- ءتارىزدى قيىلىسقا دەيىنگى اۆتوموبيل جولىن جاڭارتۋ جۇمىسى. ەنى 14 مەتر، ۇزىندىعى 4.5 شاقىرىم جاڭا جول ۋچاسكەسى تۋريستىك ايماققا جانە كەرى قاراي كەلە جاتقان اۆتوموبيلدەردىڭ اعىنىن جەڭىلدەتىپ، اسىرەسە جازعى كەزەڭدە كولىك كەپتەلىسىن رەتتەۋگە سەپتىگىن تيگىزەدى. بۇگىنگى كۇنى وندا سۋ قۇبىرى مەن كارىز جەلىلەرىن تارتۋ ءۇشىن ترانشەيا دايىنداۋ جۇمىستارى ءجۇرىپ جاتىر. اتالعان جول قۇرىلىسىن بيىل جىل سوڭىنا دەيىن اياقتاۋ جوسپارلانۋدا.

​بۇدان بولەك ر.سكليار جاعاجايدا سالىنىپ جاتقان تۋريستىك نىسانداردىڭ قۇرىلىسىن دا كوردى.