Mańǵystaý oblysyna QR Premer-Mınıstriniń orynbasary Roman Sklıar jumys saparymen keldi. Ol óńirde júzege asyrylyp jatqan birqatar iri ınfraqurylymdyq jáne týrıstik jobalardyń barysymen tanysty dep habarlaıdy "Adyrna" ulttyq portaly.
Premer-Mınıstriniń orynbasary R.Sklıar men oblys ákimi S.Trumov aldymen «Aqtaý-áýejaı» avtomobıl jolynyń qurylys jumystaryn kórdi. Búginde onda joldy keńeıtý jumystary qarqyndy júrgizilip jatyr. Jobaǵa sáıkes, jańa jol tórt jolaqty bolady. Eki jolaǵy bitýge jaqyn. Qurylys jumystary qaladan áýejaıǵa baratyn trassanyń 5 shaqyrymynan bastap 29-shi shaqyrymyna deıin júrgiziledi.
Osydan keıin R.Sklıar bastaǵan jumys toby Munaıly aýdanynda jem-shóp daıyndaıtyn «Jamalbek» JShS –nyń jumysymen tanysty. Joba iske qosylǵanda zaýyt jylyna 15 myń tonna ónim shyǵarady. Búginde onda qurylys jumystary aıaqtalýǵa jaqyn. Kezdesý barysynda oblys ákiminiń orynbasary Ǵ.Nııazov óńirde mal azyǵymen qamtamasyz etý máseleleri týraly baıandady.
— Jyl basynan beri oblysqa 37 000 tonnany tasymaldandy. Onyń 30 000 tonnasy ózge aımaqtardan, qalǵan 4 000 tonnasy jergilikti jerden shabyldy. Sondaı-aq, ózge oblystardan kómek retinde kelgen 3 000 tonna tegin shópter oblystyń qýańshylyq saldarynan zardap shekken sharýa qojalyqtaryna taratyldy. Jalpy oblysqa qys mezgiline normatıv boıynsha 53 myń tonna jem qajet. Búgingi kúni onyń 19 myń tonnasy ózge oblystardan tasymaldandy. Qalǵan 34 myń tonna jemdi satyp alýǵa tolyq qarajatymyz bar,- dedi oblys ákiminiń orynbasary.
R.Sklıar qysqy mal azyǵyn daıyndaý jumystaryn durys uıymdastyrýdy tapsyrdy.
Budan keıin Premer-Mınıstriniń orynbasary Aqtaý mańynda taǵy bir salynyp jatqan avtomobıl jolynyń jumysyn kórdi. Ol "Honda" ortalyǵynan Ómirzaq aýylyndaǵy "T"- tárizdi qıylysqa deıingi avtomobıl jolyn jańartý jumysy. Eni 14 metr, uzyndyǵy 4.5 shaqyrym jańa jol ýchaskesi týrıstik aımaqqa jáne keri qaraı kele jatqan avtomobılderdiń aǵynyn jeńildetip, ásirese jazǵy kezeńde kólik keptelisin retteýge septigin tıgizedi. Búgingi kúni onda sý qubyry men káriz jelilerin tartý úshin transheıa daıyndaý jumystary júrip jatyr. Atalǵan jol qurylysyn bıyl jyl sońyna deıin aıaqtaý josparlanýda.
Budan bólek R.Sklıar jaǵajaıda salynyp jatqan týrıstik nysandardyń qurylysyn da kórdi.
Munda qazir eki iri kompanııanyń bastamasymen«Double Tree by Hilton» qonaq úı keshenderi men vılla men apartamentter salynyp jatyr.
"Adyrna" ulttyq portaly.
