اقتوبەدە كوپبالالى وتباسىلارعا پاتەر كىلتى تابىستالدى

"نۇرلى جەر" باعدارلاماسى اياسىندا كوپبالالى وتباسىلار ءۇشىن بارلىعى 54 پاتەر ساتىپ الىنعان. اقتوبەلىكتەردى قۋانىشتارىمەن قۇتتىقتاعان وبلىس اكىمى وڭداسىن ورازالين:

— اقتوبەدە 24 مىڭداي وتباسى باسپانا كەزەگىندە، تاعى 145 مىڭداي جەرلەسىمىز جەكە تۇرعىن ءۇي سالاتىن جەر كەزەگىندە تۇر. مەملەكەت باسشىسىنىڭ تاپسىرماسىمەن جىلدان جىلعا باسپانا ماسەلەسىن شەشۋ شارالارى قابىلدانىپ جاتىر. ءبىزدىڭ پروبلەمامىزدى ەشكىم سىرتتان كەلىپ شەشىپ بەرمەيتىنىن ءتۇسىنۋىمىز كەرەك. مۇنى ءبىز ءوزىمىز تەك ەڭبەكپەن، شىدامدىلىقپەن جانە بىرلىكپەن ىستەي الامىز، — دەدى.

وڭداسىن ورازالين سونداي-اق "نۇر-اقتوبە" تۇرعىن ءۇي الابىنىڭ 3-ءشى شاعىن اۋدانىنداعى قۇرىلىستىڭ جوسپارىمەن تانىستى. بۇگىندە 3-ءشى شاعىن اۋداندا 180 پاتەر سالىنعان، جالپى اۋماعى 68,8 مىڭ شارشى مەتر بولاتىن مىڭ پاتەر بولادى. جۋىردا مۇندا 320 ورىندىق بالاباقشا مەن دەنە شىنىقتىرۋ-ساۋىقتىرۋ كەشەنى تۇرعىزىلادى.

بۇل كۇنى وبلىس اكىمى "پاتپ" جشس-دا بولىپ، جاقىندا اقتوبەگە اكەلىنگەن سىيىمدىلىعى ۇلكەن 32 جاڭا اۆتوبۋستى قاراپ شىقتى. وبلىس اكىمى اۆتوبۋستاردى 1 قىركۇيەككە دەيىن جۇمىسقا شىعارۋدى تاپسىردى.

ايتا كەتەيىك، بۇل الماتىدا قوعامدىق جولاۋشىلار تاسىمالى جاعدايىن جاقسارتۋ ءۇشىن جينالعان اۆتوبۋستاردىڭ ءبىرىنشى پارتياسى عانا. جىل سوڭىنا دەيىن اقتوبەگە تاعى وسىنداي 118 اۆتوبۋس اكەلىنەدى. ارقايسىسىنىڭ قۇنى - 50 ملن تەڭگە.

كولىكتەر جەكە ينۆەستورلاردىڭ قارجىسىنا ساتىپ الىنۋدا.

اقتوبەلىك جۇرگىزۋشىلەردى باقىلاۋ كليماتى جۇيەسىمەن جابدىقتالعان جاڭا اۆتوبۋستاردى باسقارۋعا الماتىدان كەلگەن ارىپتەستەرى ۇيرەتەتىن بولادى.