Aqtóbede QR Konstıtýııasy kúnine oraı baspana kezeginde turǵan 14 kópbalaly otbasyǵa "Nur-Aqtóbe" turǵyn úı alabynan kópten kútken páterleriniń kiltteri tabystaldy dep habarlaıdy "Adyrna" ulttyq portaly.
"Nurly jer" baǵdarlamasy aıasynda kópbalaly otbasylar úshin barlyǵy 54 páter satyp alynǵan. Aqtóbelikterdi qýanyshtarymen quttyqtaǵan oblys ákimi Ońdasyn Orazalın:
— Aqtóbede 24 myńdaı otbasy baspana kezeginde, taǵy 145 myńdaı jerlesimiz jeke turǵyn úı salatyn jer kezeginde tur. Memleket basshysynyń tapsyrmasymen jyldan jylǵa baspana máselesin sheshý sharalary qabyldanyp jatyr. Bizdiń problemamyzdy eshkim syrttan kelip sheship bermeıtinin túsinýimiz kerek. Muny biz ózimiz tek eńbekpen, shydamdylyqpen jáne birlikpen isteı alamyz, — dedi.
Ońdasyn Orazalın sondaı-aq "Nur-Aqtóbe" turǵyn úı alabynyń 3-shi shaǵyn aýdanyndaǵy qurylystyń josparymen tanysty. Búginde 3-shi shaǵyn aýdanda 180 páter salynǵan, jalpy aýmaǵy 68,8 myń sharshy metr bolatyn myń páter bolady. Jýyrda munda 320 oryndyq balabaqsha men dene shynyqtyrý-saýyqtyrý kesheni turǵyzylady.
Bul kúni oblys ákimi "PATP" JShS-da bolyp, jaqynda Aqtóbege ákelingen syıymdylyǵy úlken 32 jańa avtobýsty qarap shyqty. Oblys ákimi avtobýstardy 1 qyrkúıekke deıin jumysqa shyǵarýdy tapsyrdy.
Aıta keteıik, bul Almatyda qoǵamdyq jolaýshylar tasymaly jaǵdaıyn jaqsartý úshin jınalǵan avtobýstardyń birinshi partııasy ǵana. Jyl sońyna deıin Aqtóbege taǵy osyndaı 118 avtobýs ákelinedi. Árqaısysynyń quny - 50 mln teńge.
Kólikter jeke ınvestorlardyń qarjysyna satyp alynýda.
Aqtóbelik júrgizýshilerdi baqylaý klımaty júıesimen jabdyqtalǵan jańa avtobýstardy basqarýǵa Almatydan kelgen áriptesteri úıretetin bolady.
"Adyrna" ulttyq portaly.
