قاراشوكەەۆ قازاقستاننىڭ اۋىل شارۋاشىلىعى ءمينيسترى بولىپ تاعايىندالدى

2435
Adyrna.kz Telegram

قازاقستان پرەزيدەنتى ەربول قاراشوكەەۆتى اۋىل شارۋاشىلىعى ءمينيسترى قىزمەتىنە تاعايىندادى، دەپ حابارلايدى zakon.kz.

قاراشوكەەۆ ەربول شىراقپايۇلى قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ تاعايىندالسىن، - دەلىنگەن اقوردانىڭ حابارلاماسىندا.

ەربول قاراشوكەەۆ 1976 جىلى الماتى وبلىسىندا دۇنيەگە كەلگەن. ۇيلەنگەن، ەكى بالاسى بار. ول قازاق، ورىس، اعىلشىن تىلدەرىن بىلەدى.

ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازىرگى زامانعى گۋمانيتارلىق ينستيتۋتتى تامامداعان. ماماندىعى بويىنشا بىلىكتىلىگى — ەكونوميست، باكالاۆر اكادەميالىق دارەجەسىمەن مەنەدجمەنت سالاسىنداعى مامان، ەكونوميكا ماگيسترى، زاڭتانۋ باكالاۆرى.

مانسابى:

ەڭبەك جولىن 1998 جىلى قر ستاتيستيكا اگەنتتىگى تالداۋ جانە كونيۋنكتۋرالىق زەرتتەۋلەر باسقارماسىنىڭ باس مامانى بولىپ باستاعان.

1999-2001 جىلدارى — قر پرەزيدەنتى اكىمشىلىگىنىڭ الەۋمەتتىك-ەكونوميكالىق تالداۋ ءبولىمىنىڭ كونسۋلتانتى.

2001 جىلدان باستاپ 2003 جىلعا دەيىن كوممەرتسيالىق ۇيىمداردا باسشىلىق لاۋازىمداردا جۇمىس ىستەگەن.

2003-2006 جىلدارى – «ەكسپورتتىق كرەديتتەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كورپوراتسياسى» اق قارجى دەپارتامەنتىنىڭ ديرەكتورىنىڭ م. ا.، ديرەكتورى – باسقارما مۇشەسى.

2006-2007 جىلدارى قر قارجى مينيسترلىگىنىڭ جيىنتىق-تالداۋ دەپارتامەنتىندە جۇمىس ىستەدى. 2007 جىلعى قاڭتار-شىلدە ارالىعىندا «قازاگرو» ۇلتتىق باسقارۋشى حولدينگى» اق باسقارۋشى ديرەكتورى بولىپ جۇمىس ىستەدى.

2007-2009 جىلدارى — «اۋىل شارۋاشىلىعىن قارجىلاي قولداۋ قورى» اق باسقارما توراعاسى، ديرەكتورلار كەڭەسىنىڭ مۇشەسى.

2010-2012 جىلدارى — رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «قارجىلىق بۇزۋشىلىقتاردى زەرتتەۋ ورتالىعى» رمك ديرەكتورى.

2012-2013 جىلدارى — «قبتۋ مۇناي-گاز ينجينيرينگى جانە اقپاراتتىق تەحنولوگيالار ينستيتۋتى» جشس باس ديرەكتورى. 2013-2016 جىلدارى — «قازاقستاننىڭ تۇرعىن ءۇي قۇرىلىس جيناق بانكى» اق باسقارما توراعاسىنىڭ ورىنباسارى.

2016-2019 جىلدارى — قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى.

2019 جىلعى قاڭتار-ءساۋىر ارالىعىندا — قر قارجى مينيسترلىگى قازىناشىلىق كوميتەتىنىڭ توراعاسى.

2019 جىلعى ساۋىردەن 2021 جىلعى ناۋرىزعا دەيىن — «قازاگرو» حولدينگى» اق باسقارما توراعاسى.

2021 جىلعى ءساۋىر-شىلدە ارالىعىندا – قر قارجى ۆيتسە-ءمينيسترى.

2021 جىلعى شىلدە ايىنان باستاپ  – قر اۋىل شارۋاشىلىعى ۆيتسە-ءمينيسترى – ءمينيسترىنىڭ م. ا.

10 شىلدەدە قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا بۇرىنعى اۋىل شارۋاشىلىعى ءمينيسترى ساپارحان وماروۆتى قىزمەتىنەن بوساتتى. بۇل وماروۆتىڭ باسشىلىعىنداعى مينيسترلىكتىڭ قۇرعاقشىلىق كەزىندەگى مالدىڭ ولىمىنە توسقاۋىل قويا الماۋىنا بايلانىستى بولدى. اۋىل شارۋاشىلىعى مينيسترلىگىنىڭ باسشىسى بولىپ ەربول قاراشوكەەۆ تاعايىندالدى.

"ادىرنا" ۇلتتىق پورتالى

پىكىرلەر