Qaraşökeev Qazaqstannyŋ auyl şaruaşylyǧy ministrı bolyp taǧaiyndaldy

01.09.2021

3556

https://adyrna.kz/content/uploads/2021/09/izobrazhenie_2021-09-01_171930.png

Qazaqstan Prezidentı Erbol Qaraşökeevtı auyl şaruaşylyǧy ministrı qyzmetıne taǧaiyndady, dep habarlaidy zakon.kz.Qaraşökeev Erbol Şyraqpaiūly Qazaqstan Respublikasynyŋ Auyl şaruaşylyǧy ministrı bolyp taǧaiyndalsyn, - delıngen Aqordanyŋ habarlamasynda.
Erbol Qaraşökeev 1976 jyly Almaty oblysynda düniege kelgen. Üilengen, ekı balasy bar. Ol qazaq, orys, aǧylşyn tılderın bıledı.

Äl-Farabi atyndaǧy Qazaq memlekettık ūlttyq universitetın, Qazırgı zamanǧy gumanitarlyq institutty tämamdaǧan. Mamandyǧy boiynşa bılıktılıgı — ekonomist, bakalavr akademiialyq därejesımen menedjment salasyndaǧy maman, ekonomika magistrı, zaŋtanu bakalavry.
Mansaby:
Eŋbek jolyn 1998 jyly QR Statistika agenttıgı Taldau jäne koniunkturalyq zertteuler basqarmasynyŋ bas mamany bolyp bastaǧan.
1999-2001 jyldary — QR Prezidentı Äkımşılıgınıŋ Äleumettık-ekonomikalyq taldau bölımınıŋ konsultanty.
2001 jyldan bastap 2003 jylǧa deiın kommersiialyq ūiymdarda basşylyq lauazymdarda jūmys ıstegen.
2003-2006 jyldary – «Eksporttyq kreditter men investisiialardy saqtandyru jönındegı memlekettık saqtandyru korporasiiasy» AQ Qarjy departamentınıŋ direktorynyŋ m. a., direktory – basqarma müşesı.
2006-2007 jyldary QR Qarjy ministrlıgınıŋ jiyntyq-taldau departamentınde jūmys ıstedı. 2007 jylǧy qaŋtar-şılde aralyǧynda «QazAgro» ūlttyq basqaruşy holdingı» AQ basqaruşy direktory bolyp jūmys ıstedı.
2007-2009 jyldary — «Auyl şaruaşylyǧyn qarjylai qoldau qory» AQ basqarma töraǧasy, Direktorlar keŋesınıŋ müşesı.
2010-2012 jyldary — Respublikalyq biudjettıŋ atqaryluyn baqylau jönındegı esep komitetınıŋ «Qarjylyq būzuşylyqtardy zertteu ortalyǧy» RMK direktory.
2012-2013 jyldary — «QBTU mūnai-gaz injiniringı jäne aqparattyq tehnologiialar instituty» JŞS bas direktory. 2013-2016 jyldary — «Qazaqstannyŋ tūrǧyn üi qūrylys jinaq bankı» AQ basqarma töraǧasynyŋ orynbasary.
2016-2019 jyldary — QR Prezidentı Äkımşılıgınıŋ Äleumettık-ekonomikalyq monitoring bölımı meŋgeruşısınıŋ orynbasary.
2019 jylǧy qaŋtar-säuır aralyǧynda — QR Qarjy ministrlıgı Qazynaşylyq komitetınıŋ töraǧasy.
2019 jylǧy säuırden 2021 jylǧy nauryzǧa deiın — «QazAgro» holdingı» AQ basqarma töraǧasy.
2021 jylǧy säuır-şılde aralyǧynda – QR Qarjy vise-ministrı.
2021 jylǧy şılde aiynan bastap  – QR Auyl şaruaşylyǧy vise-ministrı – ministrınıŋ m. a.
10 şıldede Qasym-Jomart Toqaev ükımettıŋ keŋeitılgen otyrysynda būrynǧy auyl şaruaşylyǧy ministrı Saparhan Omarovty qyzmetınen bosatty. Būl Omarovtyŋ basşylyǧyndaǧy ministrlıktıŋ qūrǧaqşylyq kezındegı maldyŋ ölımıne tosqauyl qoia almauyna bailanysty boldy. Auyl şaruaşylyǧy ministrlıgınıŋ basşysy bolyp Erbol Qaraşökeev taǧaiyndaldy.
"Adyrna" ūlttyq portaly