رەسەيدە 800 ءۇيدى سۋ باستى، دەپ حابارلايدى "ادىرنا" ءتىلشىسى inform.kz-كە سىلتەپ.
ورىنبور قالاسىندا سوڭعى تاۋلىكتە تاعى 800 ءۇي مەن 1,8 مىڭ شارۋاشىلىق ۋچاسكەسىن سۋ باسقانى ايتىلدى.
وسى ۋاقىتقا دەيىن قالادا بارلىعى 3 مىڭ ءۇي مەن 8 مىڭ شارۋاشىلىق جەر سۋ استىندا قالعان.
«ءبىر كۇننىڭ ىشىندە 1800-گە جۋىق ءۇي ىرگەسىندەگى جەر مەن 800-گە جۋىق ءۇيدى سۋ باستى، بارلىعى 8 مىڭعا جۋىق شارۋاشىلىق تەلىمى مەن 3 مىڭعا جۋىق ءۇي بار»، - دەدى الەكساندر سيسا.
قالاداعى دونگۋزسكايا جانە ۋرالسكايا كوشەلەرىن سۋ باسۋىنا بايلانىستى تۇرعىنداردى ەۆاكۋاتسيالاۋعا جول پوليتسياسى مەن توتەنشە جاعدايلار قىزمەتىنىڭ كولىكتەرى جىبەرىلگەن.
ودان بولەك، 183 ادام ۋاقىتشا ورنالاستىرۋ پۋنكتەرىنە جەتكىزىلگەن. اگەنتتىك مالىمەتىنشە، ورىنبوردىڭ جايىق وزەنى بولىگىندەگى سۋ بەلياەۆسكايا كوشەسىنە جەتكەن، ونداعى وتكەل جابىلعان.
