بۇگىن قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى جاندوس جۇماباەۆ اعىمداعى جىلدىڭ 7 ايىندا اتقارىلعان جۇمىستاردىڭ قورىتىندىسى تۋرالى باياندادى.
جاندوس جۇماباەۆتىڭ ايتۋىنشا، جىل باسىنان بەرى جەدەل-تەرگەۋ باعىتى بويىنشا 84 قىلمىستىق ءىس قوزعالدى. ونىڭ ىشىندە 66-ى جەمقورلىق فاكتىسى بويىنشا ورىن العان. اۋىر قۇراممەن 56 قىلمىس، اسا اۋىر قۇرام بويىنشا 5 قىلمىس تىركەلگەن.جالپى وسى ۋاقىت ىشىندە تىركەلگەن سىبايلاس جەمقورلىق قىلمىستار سانى 78,3% كورسەتكىشتى قۇراپ وتىر.ەسەپتىك كەزەڭدە قىلمىستىق جاۋاپكەرشىلىككە بارلىعى 147 تۇلعا تارتىلعان. الماتى وبلىسىندا جىل باسىنان بەرى قىلمىستىق جاۋاپكەرشىلىككە تارتىلعان 19 باسشىنىڭ قۇرامىندا: وبلىستىق ماڭىزى بار - 6 باسشى، اۋداندىق دەڭگەيدەگى - 7 باسشى، قالالىق دەڭگەيدەگى - 5 باسشى جانە 1 اۋىلدىق دەڭگەيدەگى باسشى بار.سونىمەن قاتار، ەسەپتىك كەزەڭدە "جۇيەلى" سىبايلاس جەمقورلىقتىڭ 8 فاكتىسى انىقتالدى. كەشەندى ءىس-شارالاردى ىسكە اسىرۋ ناتيجەسىندە 22 ادام اشكەرەلەندى. جالپى سانى 31 قىلمىس تىركەلىپ، 4 قىلمىستىق ءىس سوتقا جولداۋمەن اياقتالدى، 1 ادام سوتتالدى.سونداي-اق، جىل باسىنان بەرى بارلىق اياقتالعان قىلمىستىق ىستەر بويىنشا كەلتىرىلگەن زالالدىڭ سوماسى 812,5 ملن. تەڭگە قۇرادى. بۇگىنگى كۇنى 792,1 ملن. تەڭگە وتەلدى، ياعني اياقتالعان قىلمىستىق ىستەر بويىنشا كەلتىرىلگەن زالالدىڭ وتەلۋى 97,5% كورسەتكىشتى قۇرايدى.
ەسەپتى كەزەڭدە سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسكەن الماتى وبلىسىنىڭ 3 تۇرعىنى 612 570 تەڭگەگە كوتەرمەلەندى.
قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) الماتى وبلىسى بويىنشا دەپارتامەنتى
