Búgin Qazaqstan Respýblıkasy Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń birinshi orynbasary Jandos Jumabaev aǵymdaǵy jyldyń 7 aıynda atqarylǵan jumystardyń qorytyndysy týraly baıandady.
Jandos Jumabaevtyń aıtýynsha, jyl basynan beri jedel-tergeý baǵyty boıynsha 84 qylmystyq is qozǵaldy. Onyń ishinde 66-y jemqorlyq faktisi boıynsha oryn alǵan. Aýyr qurammen 56 qylmys, asa aýyr quram boıynsha 5 qylmys tirkelgen.Jalpy osy ýaqyt ishinde tirkelgen sybaılas jemqorlyq qylmystar sany 78,3% kórsetkishti qurap otyr.Eseptik kezeńde qylmystyq jaýapkershilikke barlyǵy 147 tulǵa tartylǵan. Almaty oblysynda jyl basynan beri qylmystyq jaýapkershilikke tartylǵan 19 basshynyń quramynda: oblystyq mańyzy bar - 6 basshy, aýdandyq deńgeıdegi - 7 basshy, qalalyq deńgeıdegi - 5 basshy jáne 1 aýyldyq deńgeıdegi basshy bar.Sonymen qatar, eseptik kezeńde "júıeli" sybaılas jemqorlyqtyń 8 faktisi anyqtaldy. Keshendi is-sharalardy iske asyrý nátıjesinde 22 adam áshkerelendi. Jalpy sany 31 qylmys tirkelip, 4 qylmystyq is sotqa joldaýmen aıaqtaldy, 1 adam sottaldy.Sondaı-aq, jyl basynan beri barlyq aıaqtalǵan qylmystyq ister boıynsha keltirilgen zalaldyń somasy 812,5 mln. teńge qurady. Búgingi kúni 792,1 mln. teńge óteldi, ıaǵnı aıaqtalǵan qylmystyq ister boıynsha keltirilgen zalaldyń ótelýi 97,5% kórsetkishti quraıdy.
Esepti kezeńde sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylda ózge de jolmen járdemdesken Almaty oblysynyń 3 turǵyny 612 570 teńgege kótermelendi.
Qazaqstan Respýblıkasy Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Almaty oblysy boıynsha departamenti
