قازاقستان قورعانىس ءمينيسترىنىڭ ءبىرىنشى ورىنباسارى - قر قارۋلى كۇشتەرى باس شتابىنىڭ باستىعى مۇرات بەكتانوۆ قازاقستاننىڭ قورعانىس ءمينيسترى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
«بەكتانوۆ مۇرات كارىبايۇلى قازاقستان رەسپۋبليكاسىنىڭ قورعانىس ءمينيسترى بولىپ تاعايىندالسىن», - دەلىنگەن اقوردا جاريالاعان جارلىقتا.
بەكتانوۆ مۇرات كارىبايۇلى 1965 جىلى 18 قىركۇيەكتە سولتۇستىك قازاقستان وبلىسى سوكولوۆكا اۋىلىندا دۇنيەگە كەلگەن.
وسى ۋاقىتقا دەيىن قازاقستان رەسپۋبليكاسى قارۋلى كۇشتەرى باس شتابىنىڭ باستىعى – قورعانىس ءمينيسترىنىڭ بىرىنشى ورىنباسارى قىزمەتىن اتقارعان.
1988 جىلى كيەۆتىك جوعارى قارۋلى قولباسشىلىق ۋچيليششەسىن ءتامامدادى.
1989-1997 جىلدارى موتواتقىشتار ۆزۆودىنىڭ كومانديرى، دەسانتتىق-شابۋىلداۋ ۆزۆودىنىڭ كومانديرى، دەسانتتىق-شابۋىلداۋ باتالونى بارلاۋىنىڭ باستىعى، الماتى جوعارى جالپى اسكەري كوماندالىق ۋچيليششەسى ۆزۆودىنىڭ، كۋرسانتتار روتاسىنىڭ كومانديرى بولعان.
1997-1998 جىلدارى شتاب باستىعى - رقق كومانديرى ورىنباسارى، كەيىن قورعانىس مينيسترلىگىنىڭ جاۋىنگەرلىك دايارلىق دەپارتامەنتىنىڭ وفيتسەرى رەتىندە قىزمەت ەتتى.
1998 جىلدان 2000 جىلعا دەيىن - اكادەميا تىڭداۋشىسى بولدى.
2000 جىلى قارۋلى كۇشتەردىڭ باس شتابىنا جەدەل جوسپارلاۋ دەپارتامەنتىنىڭ اعا وفيتسەرى رەتىندە كىردى، 2005 جىلى باس شتابتىڭ اسكەري اكادەمياسىنىڭ تىڭداۋشىسى بولىپ تاعايىندالدى.
2007-2013 جىلدارى قورعانىس مينيسترلىگى شتاب باستىقتارى كوميتەتىنىڭ جەدەل جوسپارلاۋ دەپارتامەنتى باستىعىنىڭ ورىنباسارى، كەيىن دەپارتامەنت باستىعى بولىپ جۇمىس ىستەگەن.
2013-2016 جىلدارى قازاقستان رەسپۋبليكاسى "شىعىس" وڭىرلىك قولباسشىلىعى اسكەرلەرىنىڭ قولباسشىسى قىزمەتىن اتقاردى، 2016 جىلى قارۋلى كۇشتەر قۇرلىق اسكەرلەرىنىڭ باس قولباسشىسى بولىپ تاعايىندالدى.
2019 جىلدىڭ ساۋىرىنەن باستاپ قر قورعانىس ءمينيسترىنىڭ ءبىرىنشى ورىنباسارى - قر قارۋلى كۇشتەرى باس شتابىنىڭ باستىعى بولدى.
2020 جىلى 6 مامىردا قازاقستان رەسپۋبليكاسى پرەزيدەنتىنىڭ جارلىعىمەن وعان گەنەرال-لەيتەنانت اسكەري اتاعى بەرىلدى.
"ادىرنا" ۇلتتىق پورتالى
