Qazaqstan qorǵanys mınıstriniń birinshi orynbasary - QR Qarýly Kúshteri bas shtabynyń bastyǵy Murat Bektanov Qazaqstannyń Qorǵanys mınıstri bolyp taǵaıyndaldy, dep habarlaıdy "Adyrna" ulttyq portaly.
«Bektanov Murat Káribaıuly Qazaqstan Respýblıkasynyń Qorǵanys mınıstri bolyp taǵaıyndalsyn», - delingen Aqorda jarııalaǵan Jarlyqta.
Bektanov Murat Káribaıuly 1965 jyly 18 qyrkúıekte Soltústik qazaqstan oblysy Sokolovka aýylynda dúnıege kelgen.
Osy ýaqytqa deıin Qazaqstan Respýblıkasy Qarýly Kúshteri Bas shtabynyń bastyǵy – Qorǵanys mınıstriniń birinshi orynbasary qyzmetin atqarǵan.
1988 jyly Kıevtik joǵary qarýly qolbasshylyq ýchılıesin támámdady.
1989-1997 jyldary motoatqyshtar vzvodynyń komandıri, desanttyq-shabýyldaý vzvodynyń komandıri, desanttyq-shabýyldaý batalony barlaýynyń bastyǵy, Almaty joǵary jalpy áskerı komandalyq ýchılıesi vzvodynyń, kýrsanttar rotasynyń komandıri bolǵan.
1997-1998 jyldary shtab bastyǵy - RQQ komandıri orynbasary, keıin Qorǵanys mınıstrliginiń jaýyngerlik daıarlyq departamentiniń ofıeri retinde qyzmet etti.
1998 jyldan 2000 jylǵa deıin - akademııa tyńdaýshysy boldy.
2000 jyly Qarýly Kúshterdiń bas shtabyna Jedel josparlaý departamentiniń aǵa ofıeri retinde kirdi, 2005 jyly bas shtabtyń Áskerı akademııasynyń tyńdaýshysy bolyp taǵaıyndaldy.
2007-2013 jyldary Qorǵanys mınıstrligi shtab bastyqtary komıtetiniń jedel josparlaý departamenti bastyǵynyń orynbasary, keıin departament bastyǵy bolyp jumys istegen.
2013-2016 jyldary Qazaqstan Respýblıkasy "Shyǵys" óńirlik qolbasshylyǵy áskerleriniń qolbasshysy qyzmetin atqardy, 2016 jyly Qarýly Kúshter Qurlyq áskerleriniń bas qolbasshysy bolyp taǵaıyndaldy.
2019 jyldyń sáýirinen bastap QR qorǵanys mınıstriniń birinshi orynbasary - QR Qarýly Kúshteri bas shtabynyń bastyǵy boldy.
2020 jyly 6 mamyrda Qazaqstan Respýblıkasy Prezıdentiniń Jarlyǵymen oǵan general-leıtenant áskerı ataǵy berildi.
"Adyrna" ulttyq portaly