وبلىس ورتالىعىنان ۆاكتسينا الۋعا 50-گە جۋىق اۋىل تۇرعىن ارنايى كەلدى.
بۇگىن، 20 تامىزدا ساعات 9.00-دە قىزىلقوعا اۋدانىنىڭ ساعىز ستانتسياسىنان "قازاقستان تەمىر جولى" اق قىزمەتكەرلەرى، سونداي-اق شالعاي اۋىلدار مەن رازەزدەردىڭ تۇرعىندارى پويىزبەن جولعا شىقتى.
تەگىن تاسىمالد اكتسياسىن اتىراۋ وبلىسىنىڭ اكىمدىگى "قتج"اق-مەن بىرلەسىپ ۇيىمداستىردى.
جالپى العاندا وبلىس ورتالىعىنا ۆاكتسينا الۋعا 50-گە جۋىق ادام كەلدى. ولارعا ەكى ەگۋ پۋنكتى - تەمىر جول اۋرۋحاناسى جانە N 7 قالالىق ەمحاناسى قىزمەت كورسەتتى.
- وبلىس ورتالىعىنا قىزىلقوعا جانە ماقات اۋداندارىنىڭ تۇرعىندارى كەلدى. كەيبىر تۇرعىندار العاش رەت ۆاكتسينا الۋعا كەلدى، ەندى ءبىرى ۆاكتسينانىڭ ەكىنشى كومپونەنتىن الدى. اكتسيا جالعاسادى، جاقىن ارادا قۇرمانعازى اۋدانىنىڭ شالعاي اۋىلدارىنىڭ تۇرعىندارى ۆاكتسينا الۋعا كەلەدى، - دەدى اتىراۋ وبلىسى دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆ.
ەسكە سالا كەتەيىك، سوڭعى رەسمي دەرەكتەر بويىنشا اتىراۋ وبلىسىنىڭ 173 مىڭنان استام تۇرعىنى كوروناۆيرۋس ينفەكتسياسىنا قارسى ۆاكتسينالاردىڭ ءبىرىنشى كومپونەنتىمەن ەگىلدى، ەكىنشى كومپونەنتىن 125 مىڭنان استام ادام الدى.
