قازاقستاندىق تانىمال بلوگەر قايسار قامزاعا ىزدەۋ سالىندى. ءتيىستى اقپارات قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالانعان، دەپ حابارلايدى “ادىرنا”.
1995 جىلعى 18 قىركۇيەكتە تۋعان قامزا قايسار باقىتجانۇلى 10 قاڭتاردان بەرى ىزدەستىرىلۋدە. ىزدەۋ شارالارىن قارجىلىق مونيتورينگ اگەنتتىگىنىڭ استانا بويىنشا ەكونوميكالىق تەرگەپ-تەكسەرۋ دەپارتامەنتى جۇرگىزىپ جاتىر.
قازىرگى ۋاقىتتا ءىس بويىنشا باسقا اقپارات جاريالانبادى.
ايتا كەتەيىك، بلوگەردىڭ Instagram-دا 2,6 ميلليوننان استام، ال TikTok-تا 340 مىڭنان استام وقىرمانى بار. ول كونتەنتىنىڭ كوپشىلىگىن وزگە ەلدەردە ءجۇرىپ جاريالايدى. قايسار قامزا ءوزىن ترەۆەل-بلوگەر رەتىندە تانىستىرادى، سونداي-اق وتاندىق فيلمدەرگە دە تۇسكەن.
بۇعان دەيىن الەۋمەتتىك جەلىلەردە ونىڭ ۇندىستانداعى ساپارى كەزىندە تۇسىرىلگەن ۆيدەولارى قىزۋ تالقىعا تۇسكەن ەدى. كادرلاردا بلوگەردىڭ بەيادەپ سوزدەر ايتقانى جانە جەرگىلىكتى تۇرعىندارعا دورەكىلىك كورسەتكەنى بايقالىپ، پىكىرتالاس تۋدىرعان.
سونىمەن قاتار قايسار قامزانىڭ ەسىمى بۇعان دەيىن قارجىلىق مونيتورينگ اگەنتتىگى تاراتقان حابارلامادا دا اتالعان.
