Belgili ánshi Búrkit óziniń ınstagram paraqshasynda keshegi Jambyl oblysynda bolǵan jarylys kezinde qaza bolǵan, on jyl birge oqyǵan dosyn eske alyp, jazba qaldyrdy dep habarlaıdy "Adyrna" ulttyq portaly.
"Qaıran dosym! Keshegi Tarazdyń mańynda bolǵan jarylysta qaza bolǵan dosym, Meıirjan! Janyń jánnatta bolsyn! Qaıǵyryp otyrmyn , dosym! Bes balań qaldy ǵoı artyńda! Bes balań! Ne boldy endi bul, ne boldy?!! Otqa birinshi júgirip, dosym, kettiń-aý!.. Jas kettiń-aý , dosym! 5 kún buryn senimen telefonmen sóılesip edim, abaı bolshy dep! Dosymnyń jaqyndaryna, bala-shaǵasyna qaıǵyryp kóńil aıtam.
Jarylystan keıin Meıirjannyń denesin búgin ǵana tústen keıin taýypty.
Tilsiz jaýdyń astynda qaldyń, baýyrym! Aıtar sózim joq... Sen qaharmansyń! Sen -Batyrsyń!
On jyl bir klasta oqyp, birge oınap, birge ósken dosym! Qyrshyn kettiń! Artyńda qalǵan bes balańa obal boldy... Janyń jánnatta bolsyn!" — dep jazdy ánshi dosyn qımastyqpen eske alyp.
Aıta ketý kerek, Búrkittiń dosy Meıirjan Aımanov — Jambyl oblysy Tótenshe jaǵdaılar departamenti «SPıASR» MM bastyǵynyń orynbasary. Ol jarylys kezinde qyzmette júrip qaza boldy.
"Adyrna" ulttyq portaly.
