پاۆلوداردا مۇناي ونىمدەرىن تاسىمالداۋمەن اينالىسقان ەكەۋ ۇستالدى، – دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
«قۇقىقتىق ءتارتىپ» جەدەل الدىن الۋ ءىس-شاراسىن وتكىزۋ بارىسىندا كريمينالدىق پوليتسيا باسقارماسىنىڭ قىزمەتكەرلەرى جانار-جاعارماي ماتەريالدارىن جىمقىردى دەگەن كۇدىكپەن توپتاعى ادامداردىڭ قىلمىستىق ارەكەتىنىڭ جولىن كەسكەن.
– جوعارىدا اتالعان ادامدار پاۆلودار قالاسىنىڭ اۆتوجانارماي قۇيۋ ستانتسيالارىنا مۇناي ونىمدەرىن تاسىمالداۋمەن اينالىساتىن پاۆلودار قالاسىنىڭ ءبىر ۇيىمىنىڭ قىزمەتكەرلەرى بولىپ شىقتى. كۇدىكتىلەر الدىن الا دايىندالعان سىزبا بويىنشا، سونىڭ ىشىندە تاسىمالداناتىن وتىندى جەتكىزۋ جانە قۇيۋمەن اينالىسقان، – دەپ حابارلادى پاۆلودار وبلىسى پوليتسيا دەپارتامەنتىنىڭ باستىعى نۇرلان ءماسىموۆ.
پوليتسيا جەدەل-ىزدەستىرۋ شارالارىنىڭ ناتيجەسىندە قىلمىس جاسادى دەگەن كۇدىكپەن 50 جانە 47 جاستاعى ەكى پاۆلودارلىقتى ۇستادى. الدىن الا كەلتىرىلگەن شىعىن شامامەن 17 ميلليون تەڭگەنى قۇرادى. اتالعان فاكتى بويىنشا قازاقستان رەسپۋبليكاسى قك-ءنىڭ 189-بابى 4-تارماعىنىڭ 2-ءبولىمى بويىنشا سوتقا دەيىنگى تەرگەۋ باستالدى. كۇدىكتىلەرگە قاتىستى “ەشقايدا شىقپاۋ تۋرالى” قولحات تۇرىندە بۇلتارتپاۋ شاراسى تاڭدالدى.
«ادىرنا» ۇلتتىق پورتالى
