الماتى قالاسىندا "ۇكىمەتتىك ەمەس ۇيىمدار مەكتەبى" جوباسى اياسىندا "رۋحاني جاڭعىرۋ: ازاماتتىق سەكتوردىڭ الەۋمەتتىك باستامالارى مەن جوبالارى" تاقىرىبىندا الەۋمەتتىك جوبالار جارمەڭكەسى ءوتتى.
ءىس-شارانى الماتى قالاسى ىشكى ساياسات باسقارماسىنىڭ قولداۋىمەن قر پرەزيدەنتى جانىنداعى «قوعامدىق كەلىسىم» رمم، رەسپۋبليكالىق دوستىق ءۇيىنىڭ جۇمىسىن قامتاماسىز ەتۋ قىزمەتى جانە «قازاقستاننىڭ ۇەۇ ارو ۇلتتىق جۇيەسى» اسسوتسياتسيا نىسانىنداعى زتب ۇيىمداستىردى.
الماتى قالاسىنىڭ ماقساتتى توپتارى ءۇشىن الەۋمەتتىك قىزمەت كورسەتۋ سالاسىندا جۇمىس ىستەپ جۇرگەن ۇكىمەتتىك ەمەس ۇيىمداردىڭ الەۋمەتتىك جوبالارىن تانىستىرۋ مەن الەۋمەتتىك سالا ۇيىمدارىنىڭ وڭ ءيميدجىن قالىپتاستىرۋ ماقساتىندا ۇيىمداستىرىلعان شارا اياسىندا “تابىستى الەۋمەتتىك جوبالاردىڭ تاريحى” تاقىرىبىندا شەبەرلىك سىنىپتارى جۇرگىزىلىپ، الەۋمەتتىك جوبالاردى تالقىلاۋ ءۇشىن دوڭگەلەك ۇستەل وتكىزىلدى.
سونداي-اق، شارا اياسىندا الەۋمەتتىك يدەيالار مەن جوبالاردىڭ جارمەڭكەسى ءوتتى. وعان 31 ۇكىمەتتىك ەمەس ۇيىم قاتىسىپ، 36 الەۋمەتتىك جوبا ۇسىنىلدى.
«ۇسىنىلعان الەۋمەتتىك جوبالاردىڭ اۋقىمى كەڭ. ولار ەكولوگيا ماسەلەسى، جاستارعا پاتريوتتىق ءبىلىم بەرۋ، الەۋمەتتىك جاعىنان از قامتىلعان وتباسىلار، سەيسموقاۋىپسىزدىك سەكىلدى قوعامداعى ماڭىزدى ماسەلەلەردى قامتىعان. اتالىمداردى ءبىز الماتىنى دامىتۋدىڭ 7 باسىمدىعى بويىنشا بولدىك. بۇل جۇمىستاردىڭ بارلىعى دا مەملەكەتتىك تاپسىرىس تىزىمىنە ەنگىزۋ ءۇشىن مەملەكەتتىك ورگاندارعا جولدانادى»،-دەدى الماتى قالاسىنىڭ اقپاراتتىق ورتالىعى قورىنىڭ ديرەكتورى التىناي كوبەەۆا.
جوبالار بايقاۋى قازاقستان رەسپۋبليكاسىنىڭ الەۋمەتتىك-ەكونوميكالىق دامۋىنىڭ باسىمدىقتارىن جانە “الماتى-2020” دامۋ باعدارلاماسىنىڭ باستى باعىتتارىن ەسكەرە وتىرىپ وتكىزىلدى. الەۋمەتتىك ماڭىزعا يە 7 جوبا ۇزدىك دەپ تانىلىپ، ماراپاتتالدى. باعالاۋ تومەندەگى باعىتتار بويىنشا جۇرگىزىلدى:
- جايلى قالا;
- قاۋىپسىز قالا;
- الەۋمەتتىك باعىتتالعان قالا;
- ەكونوميكالىق تۇراقتى قالا;
- بيزنەس پەن جەكە كاپيتال ءۇشىن ارنالعان قالا;
- ينتەگراتسيالانعان قالا;
- بەلسەندى ازاماتتار قالاسى.
«ەلىمىزدە ۇكىمەتتىك ەمەس ۇيىمداردىڭ جۇمىس ىستەۋ جۇيەسى جۇيەسى جەڭىلدەتىلىپ جاتىر. اتالعان ۇيىمدار بۇرىن جەكە جۇمىس ىستەيتىن بولسا، قازىر “قازاقستاننىڭ ۇەۇ ارو جۇيەسى” ولاردىڭ باسىن بىرىكتىرىپ، دەمەۋشىلەردى ءوزى ىزدەيدى. ۇكىمەت پەن ۇيىمدار اراسىنا دانەكەرلىك جاساپ، ۇيىمداردىڭ جوباسىن جۇزەگە اسىرۋعا كومەكتەسەدى. بايقاۋلار دا ارتىق قۇجاتتارسىز، وڭاي جۇزەگە اسىرىلادى. ونداعى ەڭ ماڭىزدى نازار اۋدارارلىق ماسەلە – يدەيانىڭ ماڭىزدىلىعى، ونىڭ قۇندىلىعى بولىپ تابىلادى»، – دەيدى الەۋمەتتىك جوبالار جارمەڭكەسىنە ءوز جوباسىن ۇسىنعان ارمان اۋباكىر.
ايتا كەتەيىك، “قازاقستاننىڭ ۇەۇ ارو ۇلتتىق جۇيەسى” اسسوتسياتسيا نىسانىنداعى زتب الماتى قالاسى ىشكى ساياسات باسقارماسىنىڭ قولداۋىمەن 2017 جىلدىڭ ءساۋىر-قازان ايلارى ارالىعىندا “ۇكىمەتتىك ەمەس ۇيىمدار” مەكتەبى جوباسىن جۇزەگە اسىرعان بولاتىن.
