Almaty qalasynda "Úkimettik emes uıymdar mektebi" jobasy aıasynda "Rýhanı jańǵyrý: azamattyq sektordyń áleýmettik bastamalary men jobalary" taqyrybynda áleýmettik jobalar jármeńkesi ótti.
Is-sharany Almaty qalasy Ishki saıasat basqarmasynyń qoldaýymen QR Prezıdenti janyndaǵy «Qoǵamdyq kelisim» RMM, Respýblıkalyq Dostyq Úıiniń jumysyn qamtamasyz etý qyzmeti jáne «Qazaqstannyń ÚEU ARO ulttyq júıesi» Assoıaııa nysanyndaǵy ZTB uıymdastyrdy.
Almaty qalasynyń maqsatty toptary úshin áleýmettik qyzmet kórsetý salasynda jumys istep jurgen úkimettik emes uıymdardyń áleýmettik jobalaryn tanystyrý men áleýmettik sala uıymdarynyń oń ımıdjin qalyptastyrý maqsatynda uıymdastyrylǵan shara aıasynda “Tabysty áleýmettik jobalardyń tarıhy” taqyrybynda sheberlik synyptary júrgizilip, áleýmettik jobalardy talqylaý úshin dóńgelek ústel ótkizildi.
Sondaı-aq, shara aıasynda áleýmettik ıdeıalar men jobalardyń jármeńkesi ótti. Oǵan 31 úkimettik emes uıym qatysyp, 36 áleýmettik joba usynyldy.
«Usynylǵan áleýmettik jobalardyń aýqymy keń. Olar ekologııa máselesi, jastarǵa patrıottyq bilim berý, áleýmettik jaǵynan az qamtylǵan otbasylar, seısmoqaýipsizdik sekildi qoǵamdaǵy mańyzdy máselelerdi qamtyǵan. Atalymdardy biz Almatyny damytýdyń 7 basymdyǵy boıynsha bóldik. Bul jumystardyń barlyǵy da memlekettik tapsyrys tizimine engizý úshin memlekettik organdarǵa joldanady»,-dedi Almaty qalasynyń Aqparattyq ortalyǵy qorynyń dırektory Altynaı Kóbeeva.
Jobalar baıqaýy Qazaqstan Respýblıkasynyń áleýmettik-ekonomıkalyq damýynyń basymdyqtaryn jáne “Almaty-2020” damý baǵdarlamasynyń basty baǵyttaryn eskere otyryp ótkizildi. Áleýmettik mańyzǵa ıe 7 joba úzdik dep tanylyp, marapattaldy. Baǵalaý tómendegi baǵyttar boıynsha júrgizildi:
- Jaıly qala;
- Qaýipsiz qala;
- Áleýmettik baǵyttalǵan qala;
- Ekonomıkalyq turaqty qala;
- Bıznes pen jeke kapıtal úshin arnalǵan qala;
- Integraııalanǵan qala;
- Belsendi azamattar qalasy.
«Elimizde Úkimettik emes uıymdardyń jumys isteý júıesi júıesi jeńildetilip jatyr. Atalǵan uıymdar buryn jeke jumys isteıtin bolsa, qazir “Qazaqstannyń ÚEU ARO júıesi” olardyń basyn biriktirip, demeýshilerdi ózi izdeıdi. Úkimet pen uıymdar arasyna dánekerlik jasap, uıymdardyń jobasyn júzege asyrýǵa kómektesedi. Baıqaýlar da artyq qujattarsyz, ońaı júzege asyrylady. Ondaǵy eń mańyzdy nazar aýdararlyq másele – ıdeıanyń mańyzdylyǵy, onyń qundylyǵy bolyp tabylady», – deıdi áleýmettik jobalar jármeńkesine óz jobasyn usynǵan Arman Áýbákir.
Aıta keteıik, “Qazaqstannyń ÚEU ARO ulttyq júıesi” Assoıaııa nysanyndaǵy ZTB Almaty qalasy ishki saıasat basqarmasynyń qoldaýymen 2017 jyldyń sáýir-qazan aılary aralyǵynda “Úkimettik emes uıymdar” mektebi jobasyn júzege asyrǵan bolatyn.
