گەشتالت-تەراپياسى مەن پراكتيكاسىنداعى ەڭ تانىمال ادىستەردىڭ ءبىرى "بوس ورىندىق" ءادىسى. ول كەڭىنەن تانىمال جانە تاجىريبەشىلەر اراسىندا وتە تانىلعان جاتتىعۋ. ول قالاي جۇمىس ىستەيدى؟
بۇل قۋاتتى ەكسپەريمەنتتە ءسىز بوس ورىندىقتىڭ الدىندا ورىندىقتا وتىراسىز. ءسىز بۇل جەردە ءسىز ءۇشىن ماڭىزدى نەمەسە ءسىزدىڭ ومىرىڭىزگە قيىندىق تۋعىزعان ءبىر جاندى كوز الدىڭىزعا ەلەستەتەسىز. ول ءسىزدىڭ الدىڭىزدا وتىر دەپ ويلايسىز. بۇل وتكەن وقيعالارمەن، ءسىزدىڭ قازىرگى ومىرىڭىزبەن نەمەسە بولاشاق جاعدايىڭىزبەن، ءسىز كەزدەستىرگىڭىز كەلەتىن ادامدارمەن بايلانىستى بولۋى مۇمكىن (مىسالى، بولاشاق جارىڭىز نەمەسە بولاشاق ۇل نەمەسە قىز). يا بولماسا وتكەن ومىرىڭىزدە جانىڭىزعا جارا سالعان، وكپە، رەنىش قالدىرعان جان دا بولۋى مۇمكىن.
وبەكت تەك ادام ەمەس كەز كەلگەن نارسە بولۋى مۇمكىن. مىسالى:
- ءسىزدىڭ جەكە باسىڭىزدىڭ ءبىر اسپەكتى (مىسالى، وزىڭىزگە ۇنامايتىن نارسە),
- فيزيكالىق كورىنىس (مىسالى، تۇراقتى باس اۋرۋى) نەمەسە سىرتقى كورىنىس (مۇمكىن، تىم شىعىڭقى قۇلاقتار),
- ءسىزدىڭ ءۇيىڭىز، جۇمىسىڭىز، جاعىمسىز وقيعا،
- مىنەز -قۇلىق ستەرەوتيپى (موتيۆاتسيالانباعان اگرەسسيا، باقىلاۋدى قالاۋ)
- ءسىزدىڭ ماقساتىڭىز نەمەسە تىلەگىڭىز، مىسالى، باي جانە ادەمى بولۋ.
گەشتالت ءادىسىن بۇگىندە بۇكىل الەم بويىنشا كوپتەگەن تەراپەۆتەر قولدانادى.
ەگەر سىزدە جوعارىدا اتالعان ماسەلەلەردىڭ ءبىرى بولماسا دا، بىراق سىزگە پسيحوتەراپيا قاجەت دەپ ويلاساڭىز، بۇل ءادىس سىزگە قاجەت پە انىقتاۋ ءۇشىن ارقاشان گەشتالت تەراپەۆتىمەن بايلانىسۋعا بولادى. ءوزىن-ءوزى جوعالتقان جانداردىڭ قازىرگى ۋاقىتتا تولىققاندى ءومىر ءسۇرۋ قابىلەتىنە قايتا يە بولۋى، باقىتتى كۇي كەشىپ جانە تولىققاندى ءوز-وزىنە كەلۋى، وتكەن رەنىشتەر مەن كەۋدەنى كەرنەگەن وكپەنى شەر ارقىلى تارقاتۋ نەگىزگى ەلەمەنت بولىپ تابىلادى. گەشتالتيزمنىڭ باستى پرينتسيپتەرى وسىعان نەگىزدەلگەن.
ءسىز ورىندىققا وتىرىپ، ءسىزدىڭ الدىڭىزدا وتىرعان ادامدى نەمەسە زاتتى جارقىن ەلەستەتكەندە، ءسىز ونىمەن جەكە سويلەسەسىز. بۇل اڭگىمە ءار ءتۇرلى ەموتسيالار مەن رەاكتسيالاردى تۋدىراتىنى ءسوزسىز. اڭگىمە بارىسىندا ءسىز جاسىرعان، بىراق ايتقىڭىز كەلگەن ويلار مەن سەزىمدەردى بىلدىرەتىن سۇراقتار قويىلۋى مۇمكىن جانە ت.ب.
ءبىر ۋاقىتتا بوس ورىندىق تەحنيكاسى كەزىندە پسيحولوگ سىزدەن رولدەردى اۋىستىرۋدى سۇرايدى. باسقاشا ايتقاندا، ءسىز قاراما-قارسى ەلەستەتكەن ادام نەمەسە زاتتىڭ ءرولىن قابىلدايسىز، جانە بۇل رولدە بولا وتىرىپ، وزىڭىزگە باسقا ورىندىقتا قاراپ وتىرىڭىز. ەندى ءسىز بوس ورىندىقتاعى ادام نەمەسە زات تۇرعىسىنان - وزىڭىزبەن سويلەسىپ جاتىرسىز.
تەحنيكانىڭ ءمانى مىنادا, ءسىز قاراما -قارسى ورىندىقتا وتىرىپ ويلاعانىڭىزدىڭ ءبارى ءسىز ءۇشىن ءسوزسىز ماڭىزدى دۇنيە. "اقتالماعان گەشتالت" - ارقىلى ءسىز بۇرىن سوڭدى شەشىمىن تاپپاعان كەرىستەردىڭ، جادىڭىزدا ساقتالعان سۇراقتاردىڭ شەشىمىن تابۋعا تىرىساسىز. ول سونىمەن قاتار ءسىز باس تارتقان، ەلەمەگەن نەمەسە جوققا شىعارۋعا تىرىسقان ەموتسيالاردى نەمەسە جەكە قاسيەتتەردى اشۋعا بەيىم. جاتتىعۋدى اياقتاعان كەزدە ءسىز ءوزىڭىزدى جانە جۇمىس كەزىندە كەزدەسەتىن ادامعا، جاعدايعا نەمەسە نارسەگە جاڭا كوزقاراسپەن قارايسىز.
ەڭ جاقسى ناتيجەلەردىڭ ءبىرى - بۇل ءسىزدىڭ جەكە ءوسۋىڭىز، جەڭىلدەۋىڭ، وتكەندى ۇمىتۋىڭىز. ءسىز باستان كەشكەن كەز كەلگەن جانجال ءسىزدىڭ جەكە كوزقاراسىڭىزدان، كۇتۋىڭىزدەن، ەستەلىكتەردەن ء(دال نەمەسە ءدال ەمەس), سەزىم مەن جاعدايعا قاتىستى پايىمداۋدان تۇرادى. بۇل پىكىرلەردىڭ ءبارى ءسىزدىڭ ىشىڭىزدە - جانە سىزدە بۇل ىشكى قاقتىعىستى شەشۋگە كۇش پەن جاۋاپكەرشىلىك بار.
"ادىرنا" ۇلتتىق پورتالى
