اقتاۋدا كوماندير ساربازدىڭ باسىنان ورىندىقپەن ۇردى، دەپ حابارلايدى "ادىرنا" ءتىلشىسى "دياپازونعا" سىلتەپ.
"25744" اسكەري ءبولىمىنىڭ كومانديرى اسكەرگە شاقىرىلعانداردى تاياقپەن تومپەشتەگەن. كومانديرگە قاتىستى "بيلىگىن اسىرا پايدالاندى" دەگەن ايىپپەن قىلمىستىق ءىس تە قوزعالعان. دەگەنمەن ساربازدار كومانديرگە كەشىرىم بەرىپتى.
2-شابۋىلداۋشى باتالون مينومەت باتارەياسىنىڭ 1 ۆزۆود كومانديرى قول استىنداعى ساربازداردى بىرنەشە رەت ۇرىپ-سوققان. جاڭادان كەلگەن ءبىر توپ اسكەريدى ساپقا تۇرعىزىپ، بىرىنەن ءوز تەگىن سۇراپ، باسىنان اعاش سويىلمەن ۇرىپ جىبەرگەن. الايدا سارباز كومانديردىڭ تەگىن قاتە ايتقانى ءۇشىن سوققىنىڭ استىندا قالىپتى.
بۇل كومانديردىڭ العاشقى سوققىسى بولماعان. مۇنداعى ساربازدار دا ءزابىر كورگەن. تەرگەۋ ول مۇنى ءوزىنىڭ وكتەمدىگىن كورسەتۋ ءۇشىن جاسادى دەگەن قورىتىندىعا كەلدى.
جۇدىرىق الا جۇگىرگەن كوماندير جاساققا كەشىگىپ كەلگەن ساربازدى دا اياماعان. ونىڭ بەتىنەن جۇدىرىقپەن ۇرىپ، ارتىنشا ونىڭ باسىنان ورىندىقپەن بىرنەشە رەت ۇرعان. ول ۇرۋىنا سەبەپ - قاتارداعى جاۋىنگەر جاتتىعۋ كەزىندە بالاعات سوزدەر ايتقانى دەلىنگەن. اياۋسىز سوققىلاردان كەيىن جىگىت باسىن جاۋىپ، قورعانعان. بىراق كوماندير مۇنىمەن توقتاماي، ساربازدى تەپكىلەپ تاستاعان. ودان بولەك، كومانديردىڭ جۇدىرىعىنان ءبىر جاۋىنگەر ءتىسىن سىندىرعان.
باسىلىمنىڭ حابارلاۋىنشا، تاراپتاردىڭ تاتۋلاسۋى تۋرالى ارىز جازىلعان. ايىپتالۋشىنىڭ ءوزى دە سوتتا ءوز كىناسىن مويىندايتىنىن جانە جابىرلەنۋشىلەرمەن تاتۋلاسۋعا كەلىسەتىنى ايتىلدى.
سونىڭ ناتيجەسىندە اقتوبە گارنيزونىنىڭ اسكەري سوتى تاراپتاردىڭ تاتۋلاسۋىنا بايلانىستى قىلمىستىق ءىستى قىسقارتقانى حابارلاندى.
