ۋكرايندىقتاردى ەۆاكۋاتسيالاۋ ءۇشىن كەلگەن ۇشاق كابۋل اۋەجايىندا ۇرلاندى. بۇل تۋرالى ۋكراينا ءسىم باسشاسىنىڭ ورىنباسارى ەۆگەني ەنين مالىمدەدى، دەپ حابارلادى «ادىرنا» ءتىلشىسى.
«وتكەن جەكسەنبىدە ءبىزدىڭ ۇشاقتى باسقا ادامدار باسىپ الدى. سەيسەنبىدە ۇرلاندى. ۇشاق ۋكراينالىقتاردى ەلدەن الىپ كەتۋدىڭ ورنىنا بەلگىسىز جولاۋشىلارمەن يرانعا ۇشىپ كەتتى»،— دەدى شەنەۋنىك.
مينيستر ورىنباسارىنىڭ ايتۋىنشا، اۋە كەمەسىن باسىپ العان ادامدار قارۋلى بولعان.
ايتا كەتەيىك، ۋكراينالىقتاردى كابۋلدان ەۆاكۋاتسيالاۋدىڭ ءۇش ارەكەتى دە ءساتسىز اياقتالدى، ويتكەنى ازاماتتار اۋەجايعا كىرە المادى.
«ادىرنا» ۇلتتىق پورتالى
