ادالدىق اردىڭ ءىسى

519

سىبايلاس جەمقورلىقتىڭ مەملەكەتتىڭ باسەكەگە قابىلەتتىلىگىن ەداۋىر تومەندەتەتىنى، قوعامدا دەموكراتيالىق قايتا قۇرۋلاردى جۇزەگە اسىرۋدى تەجەيتىنى، ەلدىڭ حالىقارالىق بەدەلىنە كولەڭكە تۇسىرەتىنى بەلگىلى. ەڭ باستىسى - ادامداردىڭ قوعامنىڭ دەموكراتيالىق نەگىزىنە دەگەن سەنىمىنە، زاڭ مەن ادىلدىككە دەگەن سەنىمىنە، تۇپتەپ كەلگەندە، بيلىككە دەگەن سەنىمىنە كەرى اسەر ەتەتىنى حاق.

بۇگىندە جەمقورلىقپەن كۇرەس ەلىمىزدە مەملەكەتتىك ماڭىزى بار تۇيتكىلدى ماسەلەگە اينالىپ وتىرعاندىعى شىندىق. ەلدىڭ ەرتەڭى ءۇشىن، بولاشاق كەلەر ۇرپاق الدىندا ەڭسەمىزدىڭ بيىك كوتەرىلىپ ءجۇرۋ ءۇشىن، جەمقورلىق ىندەتىمەن بەلسەنە كۇرەسىپ، ءتۇپ-تامىرىن جويۋ قاجەت. بۇل - ىندەت ادامزات بالاسىنا جات قاسيەت. كەڭەستىك داۋىردەن باستاۋ العان، جەڭ ۇشىنان جالعاسىن تاباتىن، كوز قىستى-بارماق باستى ادەتى ءالى بولسا قىلاڭ بەرىپ كەلەدى. بۇل دەرت ەلىمىزدىڭ دامۋىنا، ەكونوميكانىڭ وركەندەپ وسۋىنە ورەسكەل كەدەرگى كەلتىرەتىنى داۋسىز.

مەملەكەتتىك ساتىپ الۋ، مەملەكەت قارجىسىن تالان-تاراج ەتىپ، ىسىراپ قىلۋ، جەر ۋچاستكەسىن زاڭسىز بەرۋ، دۇنيە-مۇلكىن، اقشا كاپيتالىن سالىق دەكلاراتسياسىنان، ياعني مەملەكەتتەن جاسىرىپ قالۋ سياقتى مەملەكەت قالتاسىنا قاۋىپ توندىرەتىن جات قىلىقتار ءالى دە بارشىلىق. قازىرگى تاڭدا مەملەكەت تاراپىنان جەمقورلىققا قارسى كۇرەس ماقساتىندا اۋقىمدى جۇمىستار جۇرگىزىلۋدە. مەملەكەتىمىز كەڭەستەر وداعى كەڭىستىگىندە العاش رەت «جەمقورلىققا قارسى كۇرەس» زاڭىن قابىلدادى. بۇل زاڭ جوباسى ارقىلى جەمقورلىققا قارسى كۇرەستىڭ نەگىزى پرينتسيپتەرىن انىقتاپ، جەمقورلىققا قاتىستى قۇقىق بۇزۋشىلىقتاردىڭ جانە وعان بايلانىستى جاۋاپكەرشىلىكتىڭ ارتىلۋىنىڭ تۇرلەرى انىقتالدى. وسى ورايدا، الاكول اۋدانىندا سىبايلاس جەمقورلىققا قارسى كۇرەسكە ارنالعان باعدارلامالاردىڭ ىسكە اسىرىلۋىنا جانە جەمقورلىقتى ءبىرجولاتا جويۋ ماقساتىندا «جەمقورلىق ىندەت – جويۋ مىندەت» اتتى «Open Air» فورماتىندا كورمە ۇيىمداستىرىلسا، «سىبايلاس جەمقورلىق ءبىز ءۇشىن ەمەس!» اكتسياسى، «جەمقورلىقسىز جارقىن بولاشاق» اتتى جاس اقىندار ءمۇشايراسى وتكىزىلدى. جەمقورلىق دەگەن نە؟ جەمقورلىق ۇعىمى زاماناۋي قۇقىقتىق سوزدىك قولدانىسىندا كەڭىنەن قولدانىلادى جانە تەرەڭ تاريحي تامىرى بار. جەمقورلىقتىڭ قاراپايىم تۇسىنىگى - لاۋازىمدى تۇلعالار، قوعامدىق جانە ساياسي قايراتكەرلەر مەن مەملەكەتتىك شەنەۋنىكتەردىڭ ءوز قىزمەتتەرىندە ساراڭدىق پەن ساتقىندىق تانىتۋى.

قازاقستان رەسپۋبليكاسىنىڭ «سىبايلاس جەمقورلىققا قارسى كۇرەس تۋرالى» زاڭىندا ازاماتتاردىڭ قۇقىقتارى مەن بوستاندىقتارىن قورعاۋعا، سىبايلاس جەمقورلىق كورىنىستەرىنەن تۋىندايتىن قاۋىپ-قاتەردەن رەسپۋبليكامىزدىڭ ۇلتتىق قاۋىپسىزدىگىن قامتاماسىز ەتۋگە، زاڭنىڭ نەگىزىندە مەملەكەتتىك مىندەتتەر اتقارۋعا ۋاكىلەتتى ادامدار مەن ولارعا تەڭەستىرىلگەن ادامدار جاۋاپتى بولاتىندىعى كورسەتىلگەن.
مەملەكەت باسشىسىنىڭ جولداۋىندا: «زاڭدى بۇزعان ەكەنسىڭ، ونىڭ باپتارىنا سايكەس جاۋاپقا تارتىلسىڭ»،-دەپ اتاپ كورسەتكەن. ەندەشە، جەمقورلىقتى جويۋدى ماقسات ەتسەك تالاپتاردى ورىنداۋىمىز قاجەت.

ايمان اسىل

پىكىرلەر
رەداكتسيا تاڭداۋى