Adaldyq ardyń isi

3203
Adyrna.kz Telegram

Sybaılas jemqorlyqtyń memlekettiń básekege qabilettiligin edáýir tómendetetini, qoǵamda demokratııalyq qaıta qurýlardy júzege asyrýdy tejeıtini, eldiń halyqaralyq bedeline kóleńke túsiretini belgili. Eń bastysy - adamdardyń qoǵamnyń demokratııalyq negizine degen senimine, zań men ádildikke degen senimine, túptep kelgende, bılikke degen senimine keri áser etetini haq.

Búginde jemqorlyqpen kúres elimizde memlekettik mańyzy bar túıtkildi máselege aınalyp otyrǵandyǵy shyndyq. Eldiń erteńi úshin, bolashaq keler urpaq aldynda eńsemizdiń bıik kóterilip júrý úshin, jemqorlyq indetimen belsene kúresip, túp-tamyryn joıý qajet. Bul - indet adamzat balasyna jat qasıet. Keńestik dáýirden bastaý alǵan, jeń ushynan jalǵasyn tabatyn, kóz qysty-barmaq basty ádeti áli bolsa qylań berip keledi. Bul dert elimizdiń damýyna, ekonomıkanyń órkendep ósýine óreskel kedergi keltiretini daýsyz.

Memlekettik satyp alý, memleket qarjysyn talan-taraj etip, ysyrap qylý, jer ýchastkesin zańsyz berý, dúnıe-múlkin, aqsha kapıtalyn salyq deklaraııasynan, ıaǵnı memleketten jasyryp qalý sııaqty memleket qaltasyna qaýip tóndiretin jat qylyqtar áli de barshylyq. Qazirgi tańda memleket tarapynan jemqorlyqqa qarsy kúres maqsatynda aýqymdy jumystar júrgizilýde. Memleketimiz keńester odaǵy keńistiginde alǵash ret «Jemqorlyqqa qarsy kúres» Zańyn qabyldady. Bul zań jobasy arqyly jemqorlyqqa qarsy kúrestiń negizi prınıpterin anyqtap, jemqorlyqqa qatysty quqyq buzýshylyqtardyń jáne oǵan baılanysty jaýapkershiliktiń artylýynyń túrleri anyqtaldy. Osy oraıda, Alakól aýdanynda sybaılas jemqorlyqqa qarsy kúreske arnalǵan baǵdarlamalardyń iske asyrylýyna jáne jemqorlyqty birjolata joıý maqsatynda «Jemqorlyq indet – joıý mindet» atty «Open Air» formatynda kórme uıymdastyrylsa, «Sybaılas jemqorlyq biz úshin emes!» akııasy, «Jemqorlyqsyz jarqyn bolashaq» atty jas aqyndar músháırasy ótkizildi. Jemqorlyq degen ne? Jemqorlyq uǵymy zamanaýı quqyqtyq sózdik qoldanysynda keńinen qoldanylady jáne tereń tarıhı tamyry bar. Jemqorlyqtyń qarapaıym túsinigi - laýazymdy tulǵalar, qoǵamdyq jáne saıası qaıratkerler men memlekettik sheneýnikterdiń óz qyzmetterinde sarańdyq pen satqyndyq tanytýy.

Qazaqstan Respýblıkasynyń «Sybaılas jemqorlyqqa qarsy kúres týraly» Zańynda azamattardyń quqyqtary men bostandyqtaryn qorǵaýǵa, sybaılas jemqorlyq kórinisterinen týyndaıtyn qaýip-qaterden respýblıkamyzdyń ulttyq qaýipsizdigin qamtamasyz etýge, zańnyń negizinde memlekettik mindetter atqarýǵa ýákiletti adamdar men olarǵa teńestirilgen adamdar jaýapty bolatyndyǵy kórsetilgen.
Memleket basshysynyń joldaýynda: «Zańdy buzǵan ekensiń, onyń baptaryna sáıkes jaýapqa tartylsyń»,-dep atap kórsetken. Endeshe, jemqorlyqty joıýdy maqsat etsek talaptardy oryndaýymyz qajet.

Aıman Asyl

Pikirler