ەلىمىزدە قالىپتاسقان كۇردەلى ەپيدەميالىق احۋال بۇكىل قوعامدى الاڭداتىپ وتىر. مۇنى قازاقستان عانا ەمەس، كوپتەگەن ەلدەر باستان وتكەرۋدە.
ورتالىق ازيا ەلدەرىندە نەشە ادام كوروناۆيرۋسپەن اۋىردى؟
قازاقستان - 708 379 ادام (قايتىس بولعانى - 7 867)
قىرعىزستان - 172 937 ادام (قايتىس بولعانى - 2 462)
وزبەكستان - 145 615 ادام (قايتىس بولعانى - 994)
تاجىكستان - 16 223 ادام (قايتىس بولعانى - 124)
تۇركىمەنستان - رەسمي تىركەلمەگەن
وسى ورايدا الەمدىك ستاتيستيكاعا نازار اۋدارساق، تەك 10 شاقتى ەلدە (مۇحيت ارالدارى) عانا كوروناۆيرۋس تىركەلمەگەن. ال سۋىق ماتەريك انتاركتيدانىڭ وزىندە 58 ادام كوروناۆيرۋستى جۇقتىرعان.
ورتالىق ازيا ەلدەرىندە حالىقتىڭ نەشە پايىزى تولىققاندى ۆاكتسينا سالدىردى؟
قازاقستان - 25%
قىرعىزستان - 4,38%
وزبەكستان - 3,4%
تاجىكستان - 1,36%
تۇركىمەنستان - 0,2%
ەلىمىزدە ۆاكتسينا سالدىرۋدىڭ تومەنگى دەڭگەيدە جۇرگىزىلۋدىڭ ءبىر سەبەبى، ۆاكتسينا تاڭداۋىنىڭ ازدىعىندا. بۇعان دەيىن بىرنەشە ۆاكتسينانىڭ ءتۇرى بولعانىمەن، قازىرگى تاڭدا قايدا بارساڭ دا، الدىنان Sputnic V كۇتىپ الادى.
ورتالىق ازيا مەملەكەتتەرىندە ۆاكتسينانىڭ قانداي تۇرلەرى بار؟
قازاقستان: Sputnik V, Vero Cell, QazVac, Hayat-Vax, CoronaVac.
قىرعىزستان: Sputnik V, Sinopharm (قىتاي، 1,25 ملن دوزا), AstraZeneca (ۇلىبريتانيا، 226 مىڭ دوزا), QazVac (قازاقستان، 25 مىڭ دوزا).
وزبەكستان: ZF-UZ-VAC2001 (قىتاي-وزبەكستان بىرلەستىگى، 10,5 ملن دوزا), سپۋتنيك V, AstraZeneca (ۇلىبريتانيا، 1 ملن مىڭ دوزا ), Moderna (اقش- 3 ملن دوزا).
تاجىكستان: Moderna (اقش-1,5 ملن دوزا), AstraZeneca (ۇلىبريتانيا، 250 مىڭ دوزا), CoronaVاس (قىتاي، 1,5 ملن دوزا)
تۇركىمەنستان: CoronaVac (قىتاي), Sputnik V, ەپيۆاككورونا (رەسەي), AstraZeneca (ۇلىبريتانيا).
Statista.com سايتىنىڭ 12 تامىزداعى مالىمەتى بويىنشا رەسەي فەدەراتسياسى Sputnik-V ۆاكتسيناسىن 30-دان استام ەلگە ساتقان:
1. ءۇندىستان - 250 ملن دوزا 2. يران - 60 ملن دوزا 3. تۇركيا - 50 ملن دوزا 4. نەپال - 25 ملن دوزا 5. ەگيپەت - 25 ملن دوزا 6. مەكسيكا - 24 ملن دوزا 7. ۆەتنام - 20 ملن 8. ۆەنەسۋەلا - 10 ملن 9. برازيليا - 10 ملن دوزا 10. قازاقستان - 6 ملن دوزا 14. وزبەكستان - 1 ملن دوزا 16. قىرعىزستان - 100 مىڭ دوزا بۇل ستاتيسكاعا نازار اۋدارساق، ەلىمىز سولتۇستىك كورشىنىڭ ۆاكتسيناسىن ساتىپ الۋدان توپ-10 ەلگە كىرەدى. ەگەر ادام باسىنا شاعىپ ەسەپتەيتىن بولساق، ءتىپتى قازاقستان كوشباسشى سانالادى.
لوكداۋن جەمىسىن بەردى مە؟
الەم ەلدەرى كوروناۆيرۋس سالدارىنان 2020 جىلى باستى سپورتتىق شارالارىن شەگەرىپ قانا قويماي، ەلدە لوكداۋن جاريالاعانىمەن، شۆەتسيا مەملەكەتى اتالمىش شارانى قابىلداۋدان باس تارتتى. سالدارىنان 1 ملن 11 مىڭ ازامات كوروناۆيرۋستى جۇقتىرىپ، 14 659 تۇرعىنى قايتىس بولدى. وسى ورايدا كورشىلەس مەملەكەتتەر لوكداۋن ەنگىزگەننىڭ ارقاسىندا ادام ءومىرىن كوپ مولشەردە ساقتاپ قالا الدى. مىسالى، دانيا - 333 815 ادام (2 562-ءسى قايتىس بولدى), نورۆەگيا - 146 056 ادام (811-ءى قايتىس بولدى), فينليانديا - 119 320 ادام (995-ءى قايتىس بولدى).
ال جاڭا زەلانديادا سوڭعى 6 ايدا العاش رەت 1 ادامنان كوروناۆيرۋس تىركەلدى. بيلىك جەدەل شەشىم قابىلداپ، 1 ادام ءۇشىن ەل ىشىندە 7 كۇندىك لوكداۋن جاريالادى. ايتا كەتەيىك، جاڭا زەلانديا كوروناۆيرۋستى جۇقتىرۋدان الەمدىك ستاتيستيكادا ەڭ باياۋ تارالاتىن توپ-10 مەملەكەتكە كىرەدى.
كوروناۆيرۋستى جۇقتىرۋ دەڭگەيى تومەن ەلدىڭ ءبىرى - موناكو. فرانتسيا بيلىگى بۇل پاتشالىقتان 30 شاقىرىمعا دەيىن جانە تاڭعى 6-دان كەشكى 6-عا ۋاقىت ارالىعىندا ۇزاۋعا رۇقسات بەرگەن. ال 30 شاقىرىمنان اسقىسى كەلگەندەر مىندەتتى تۇردە پتسر تەست تاپسىرۋعا مىندەتتەلدى. ناتيجەسىندە 3 033 ادام كوروناۆيرۋسپەن اۋىرىپ، 33-ءى كوز جۇمدى.
ەگەر زاتتارىن الۋعا قورقاتىن كورشى ءارى كوروناۆيرۋستىڭ "استاناسى" قىتايدىڭ ستاتيستيكاسىنا توقتالساق، وندا نەبارى 106 مىڭ ادام كوروناۆيرۋستى جۇقتىرعان. سالىستىرمالى تۇردە قازاقستاننان 7 ەسەگە از! ولاردىڭ كوروناۆيرۋس تولقىنىن تومەندەتۋگە بەتپەردە تاعۋعا دەگەن جاۋاپكەرشىلىك، ءتارتىپ، قاتاڭ تەكسەرىس، ەكولوگيانىڭ لاستىعى سالدارىنان بۇعان دەيىن دە بەتپەردە تاعۋعا ۇيرەنگەندىگى، بەيرەسمي قىتايدىڭ ءداستۇرلى مەديتسينانىڭ مىقتىلىعى اسەر ەتەدى-مىس.
ءدال وسىنداي جاۋاپكەرشىلىكتىڭ ارقاسىندا كوروناۆيرۋس ەپيدەمياسى الەمدە 3-ءشى (العاشقى - قىتاي، ەكىنشى - تايلاند) ەلدە انىقتالعان جاپونيا 200-دەن استام مەملەكەتتىڭ باسىن قوسقان جازعى وليمپيادا ويىندارىن كورەرمەنسىز جوعارى ساقتىق شارالارىمەن وتكىزدى.
كوروناۆيرۋستىڭ بۇگىنگى سالدارى بولاشاعىمىزعا اسەر ەتەتىنىن ەستەن شىعارمايىق...
قانات بايۇزاقوۆ،
"ادىرنا" ۇلتتىق پورتالى
