اقش-تا سۋ تاسقىنىنان ون ادام قازا تاپتى

2319
Adyrna.kz Telegram

اقش-تىڭ شىعىسىنداعى تەننەسسي شتاتىنداعى سۋ تاسقىنىنان كەمىندە ون ادام قازا تاپتى. تاعى 31 ادام ءىز-ءتۇسسىز جوعالدى دەپ حابارلايدى "ادىرنا" ۇلتتىق پورتالى CNN اگەنتتىگىنە سىلتەمە جاساپ.

حامفريس وكرۋگىنىڭ شەريفى كريس دەۆيستىڭ حابارلاۋىنشا، اۋا رايىنىڭ قولايسىزدىعى سالدارىنان ەكى جاس بالا زارداپ شەككەن.

ادامداردى قۇتقارۋ ءۇشىن ارنايى قىزمەتتەر تارتىلدى، تابيعي اپات بولعان جەرگە كومەك كورسەتۋ ءۇشىن قۇتقارۋ تىكۇشاعى جىبەرىلگەن.

نەشۆيللادان 100 شاقىرىمداي جەردە ورنالاسقان ۋەۆەرلي شاعىن قالاسىنىڭ ماڭىندا قازا تاپقانداردىڭ دەنەلەرى تابىلدى. سۋ تاسقىنى جولداردىڭ جابىلۋىنا جانە بايلانىستىڭ بولماۋىنا سەبەپ بولدى.

تەننەسسي شتاتىندا سۋ تاسقىنى قاۋپىنىڭ ءۇشىنشى دەڭگەيى جاريالاندى. توتەنشە جاعدايلار باسقارماسى تۇرعىنداردى كولىك جۇرگىزبەۋگە جانە سۋ باسقان جولداردان ساق بولۋعا شاقىردى.

 

"ادىرنا" ۇلتتىق پورتالى.

پىكىرلەر