AQSh-tyń shyǵysyndaǵy Tennessı shtatyndaǵy sý tasqynynan keminde on adam qaza tapty. Taǵy 31 adam iz-tússiz joǵaldy dep habarlaıdy "Adyrna" ulttyq portaly CNN agenttigine silteme jasap.
Hamfrıs okrýginiń sherıfi Krıs Devıstiń habarlaýynsha, aýa raıynyń qolaısyzdyǵy saldarynan eki jas bala zardap shekken.
Adamdardy qutqarý úshin arnaıy qyzmetter tartyldy, tabıǵı apat bolǵan jerge kómek kórsetý úshin qutqarý tikushaǵy jiberilgen.
Neshvılladan 100 shaqyrymdaı jerde ornalasqan Ýeverlı shaǵyn qalasynyń mańynda qaza tapqandardyń deneleri tabyldy. Sý tasqyny joldardyń jabylýyna jáne baılanystyń bolmaýyna sebep boldy.
Tennessı shtatynda sý tasqyny qaýpiniń úshinshi deńgeıi jarııalandy. Tótenshe jaǵdaılar basqarmasy turǵyndardy kólik júrgizbeýge jáne sý basqan joldardan saq bolýǵa shaqyrdy.
"Adyrna" ulttyq portaly.
