ناتو ەلدەرى كابۋلداعى اۋەجايدى باقىلاۋدى ساقتاپ، اۋعانستاندا ازاماتتاردى ەۆاكۋاتسيالاۋ مەرزىمىن ۇزارتۋدى قولدادى دەپ حابارلايدى "ادىرنا" ۇلتتىق پورتالى "حابار 24-كە" سىلتەمە جاساپ.
سونداي-اق ولار ەلدى تاستاپ كەتۋگە نيەتتى ادامداردى كوپتەپ كوشىرۋ ءۇشىن تامىزدىڭ 31-ىنەن كەيىن دە قالماق.
ايتا كەتەيىك، تاليبان قوزعالىسى اۋعانستان استاناسىن باسىپ العالى مىڭداعان ادام باتىس اسەريلەرى قولىنداعى كابۋل اۋەجايىنا ۇمتىلدى. قازىرگە دەيىن اۋە ايلاعى ارقىلى 18 مىڭنان اسا ادام ەۆاكۋاتسيالانعان. اۋەجايدا اقش، ۇلىبريتانيا، تۇركيا جانە ازەربايجان اسكەريلەرى ورنالاسقان.
– ناتو وداقتاستارى اۋعانستانعا ۇشاقتار جىبەرىپ، ادامداردى ەۆاكۋاتسيالاۋعا كومەكتەسۋگە دايىن. بىراق ماسەلە اۋە كولىكتەرىندە ەمەس ادامداردى ول جاقتان الىپ كەتۋدە بولىپ تۇر. ءبىز كەلەشەكتە قازىرگىدەي ماسەلەدەن كوپ وي ءتۇيىپ، ناتو-نىڭ اۋعانستانداعى ءىس-ارەكەتىن جان-جاقتى سارالاۋىمىز قاجەت، — دەيدى ناتو باس حاتشىسى يەنس ستولتەنبەرگ.
ال بەلگيانىڭ سىرتقى ىستەر ءمينيسترى سوفي ۋيلمەس 450 اۋعانستان ازاماتىنا اۋەجايعا كەلۋدى سۇراعاندارىن، 8 ساعاتتان كەيىن 16 ادام عانا ازەر دەگەندە اۋەجاي قاقپاسىنان وتكەنىن جەتكىزدى.
وسىعان بايلانىستى بەلگيا ناتو-دان ادامداردى ەۆاكۋاتسيالاۋ مەرزىمىن ۇزارتۋدى سۇراعان.
"ادىرنا" ۇلتتىق پورتالى.
