NATO elderi Kabýldaǵy áýejaıdy baqylaýdy saqtap, Aýǵanstanda azamattardy evakýaııalaý merzimin uzartýdy qoldady dep habarlaıdy "Adyrna" ulttyq portaly "Habar 24-ke" silteme jasap.
Sondaı-aq olar eldi tastap ketýge nıetti adamdardy kóptep kóshirý úshin tamyzdyń 31-inen keıin de qalmaq.
Aıta keteıik, Talıban qozǵalysy Aýǵanstan astanasyn basyp alǵaly myńdaǵan adam batys áserıleri qolyndaǵy Kabýl áýejaıyna umtyldy. Qazirge deıin áýe aılaǵy arqyly 18 myńnan asa adam evakýaııalanǵan. Áýejaıda AQSh, Ulybrıtanııa, Túrkııa jáne Ázerbaıjan áskerıleri ornalasqan.
– NATO odaqtastary Aýǵanstanǵa ushaqtar jiberip, adamdardy evakýaııalaýǵa kómektesýge daıyn. Biraq másele áýe kólikterinde emes adamdardy ol jaqtan alyp ketýde bolyp tur. Biz keleshekte qazirgideı máseleden kóp oı túıip, NATO-nyń Aýǵanstandaǵy is-áreketin jan-jaqty saralaýymyz qajet, — deıdi NATO bas hatshysy Iens Stoltenberg.
Al Belgııanyń syrtqy ister mınıstri Sofı Ýılmes 450 Aýǵanstan azamatyna áýejaıǵa kelýdi suraǵandaryn, 8 saǵattan keıin 16 adam ǵana ázer degende áýejaı qaqpasynan ótkenin jetkizdi.
Osyǵan baılanysty Belgııa NATO-dan adamdardy evakýaııalaý merzimin uzartýdy suraǵan.
"Adyrna" ulttyq portaly.
