قىرعىزستاننىڭ سىرتقى ىستەر مينيسترلىگى اۋعانستاننان تاجىكستانعا قاشىپ كەتكەن ەتنيكالىق قىرعىزدار ماسەلەسى بويىنشا قابىلدانىپ جاتقان شارالار تۋرالى ايتتى دەپ حابارلايدى "ادىرنا" ۇلتتىق پورتالى.
مينيسترلىك بۇۇ-نىڭ بوسقىندار ءىسى جونىندەگى جوعارعى كوميسسارىنا ولاردى قىرعىزستانعا ەۆاكۋاتسيالاۋدى ۇيىمداستىرۋعا كومەك سۇرادى. مينيسترلىك سونداي-اق تاجىكستاننىڭ سىرتقى ىستەر مينيسترلىگىنە اۋعانستان قىرعىزدارىنىڭ قىرعىز-تاجىك شەكاراسىنىڭ وتكىزۋ پۋنكتىنە وتۋىنە كومەك كورسەتۋ تۋرالى نوتا جىبەردى.
تاجىكستان ۇلتتىق قاۋىپسىزدىك مەملەكەتتىك كوميتەتىنىڭ شەكارا اسكەرلەرىنىڭ سوڭعى اقپاراتىنا سايكەس، 13-14 شىلدەدە اۋعاننىڭ 347 ەتنيكالىق قىرعىزى تاجىكستان اۋماعىنا ءوتىپ كەتكەن. ونىڭ ىشىندە 91-ءى ەر ادام، 77-ءسى ايەل جانە 177-ءسى — كامەلەتكە تولماعان بالالار. شەكارادان ءوتۋ كەزىندە ەكى ءسابي قايتىس بولدى.
ەسكە سالايىق، امەريكا اسكەرلەرى اۋعانستاننان كەتىپ جاتقاندا، ۆاشينگتون ورتالىق ازيادان ستراتەگيالىق سەرىكتەستەر ىزدەۋدە.
وسى اپتادا باق بايدەن اكىمشىلىگى قازاقستان، تاجىكستان جانە وزبەكستاننان ناتو كۇشتەرى شىعارىلعانعا دەيىن شامامەن 9000 اۋعانستان ازاماتىن ۋاقىتشا ورنالاستىرۋدى سۇرادى دەپ حابارلادى.
"ادىرنا" ۇلتتىق پورتالى.
