2020 جىلى قولعا الىنعان جوباعا سايكەس قىرىق جىلدان استام ۋاقىت قولدانىستا بولعان ۆولەرلەردى جاڭارتۋ جۇمىستارى جۇرگىزىلىپ جاتىر. شىلدە ايىندا قايتپاس، قايسار ەسىمدى ءتورت جاسار اعايىندى ەكى ارىستان جاڭا ۆولەرگە ورنالاستىرىلعان بولاتىن. بۇگىندە ەكەۋى دە جاڭا جايعا ۇيرەنىسىپ، جاعدايلارى جاقسارىپ قالعان. بۇعان دەيىن تسيركتە ونەر كورسەتكەن اڭدارمەن قاتار 2021 جىلدىڭ ماۋسىم ايىندا 3 باس دالا قاسقىرى، نوۆوسيبيرسك زووباعىنان اكەلىنگەن 2 قارا جانە 2 قىزىل قاسقىر مەن بەس باس تۇلكى، شىلدە ايىندا جەرگىلىكتى تسيركتەن اكەلىنگەن ەكى ارىستان كوشىرىلگەن. بارلىق جانۋارلاردىڭ قازىرگى جاعدايلارى جاقسى. الدىنالا دايىندىق جۇمىستارى اتقارىلۋىنا بايلانىستى كوشىرۋ بارىسىندا ەشقانداي قيىندىق تۋىندامادى.
شىمكەنت قالاسى زووباعىنىڭ بارلىق جانۋارلارىنا جايلى جانە قاۋىپسىز ورتا قالىپتاستىرۋ ءۇشىن تامىز ايىندا بونيا جانە كلايد ەسىمدى گيببوندار، ءۇش ۇرعاشى جاسىل مارتىشكا جاڭا جەرگە كوشىرىلدى. قوڭىر ايۋلارعا ارنايى سالىنعان ۆولەرلەر دە ءبىر اپتا ۋاقىت الدىن دايار بولىپ، تيان شاندىق تاتيانا جانە پونتيك، تسيركتەن اكەلىنگەن 5 جاسار بارني مەن ۋمكا جاڭا ورىنعا اۋىستىرىلدى.
جاڭا ورىندار ءار جانۋاردىڭ تابيعي قاجەتتىلىك جانە قىزىعۋشىلىعىنا قاراي جاسالىپ، كىشىگىرىم ويىن الاڭقايلارى، باسسەين جانە كولەڭكە بەرەر اعاشتارمەن قامتىلعان. ەسكى جانە تار ۆولەرلەردە ءبىراز ۋاقىت ءومىر سۇرگەن جانۋارلار جايلى جەرلەرگە ۇيرەنىسىپ، كۇندەلىكتى ءومىر بارىسىن جالعاستىرۋدا.
اتالمىش جوباعا سايكەس كەلەر جىلى بارلىق ەسكىرگەن ۆولەرلەر كەزەك-كەزەگىمەن ءسۇرىلىپ، 2023 جىلى تولىقتاي جاڭارۋى جوسپارلانعان.
