Shymkent qalasy Zoobaǵynyń janýarlaryn jańa volerlerge kóshirý jumystary jalǵasýda

3715
Adyrna.kz Telegram

2020 jyly qolǵa alynǵan jobaǵa sáıkes qyryq jyldan astam ýaqyt qoldanysta bolǵan volerlerdi jańartý jumystary júrgizilip jatyr. Shilde aıynda Qaıtpas, Qaısar esimdi tórt jasar aǵaıyndy eki arystan jańa volerge ornalastyrylǵan bolatyn. Búginde ekeýi de jańa jaıǵa úırenisip, jaǵdaılary jaqsaryp qalǵan. Buǵan deıin ırkte óner kórsetken ańdarmen qatar 2021 jyldyń maýsym aıynda 3 bas dala qasqyry, Novosıbırsk zoobaǵynan ákelingen 2 qara jáne 2 qyzyl qasqyr men bes bas túlki, shilde aıynda jergilikti ırkten ákelingen eki arystan kóshirilgen. Barlyq janýarlardyń qazirgi jaǵdaılary jaqsy. Aldynala daıyndyq jumystary atqarylýyna baılanysty kóshirý barysynda eshqandaı qıyndyq týyndamady.

Shymkent qalasy Zoobaǵynyń barlyq janýarlaryna jaıly jáne qaýipsiz orta qalyptastyrý úshin tamyz aıynda Bonıa jáne Klaıd esimdi gıbbondar, úsh urǵashy jasyl martyshka jańa jerge kóshirildi. Qońyr aıýlarǵa arnaıy salynǵan volerler de bir apta ýaqyt aldyn daıar bolyp, Tıan Shandyq Tatıana jáne Pontık, ırkten ákelingen 5 jasar Barnı men Ýmka jańa orynǵa aýystyryldy.

Jańa oryndar ár janýardyń tabıǵı qajettilik jáne qyzyǵýshylyǵyna qaraı jasalyp, kishigirim oıyn alańqaılary, basseın jáne kóleńke berer aǵashtarmen qamtylǵan. Eski jáne tar volerlerde biraz ýaqyt ómir súrgen janýarlar jaıly jerlerge úırenisip, kúndelikti ómir barysyn jalǵastyrýda.

Atalmysh jobaǵa sáıkes keler jyly barlyq eskirgen volerler kezek-kezegimen súrilip, 2023 jyly tolyqtaı jańarýy josparlanǵan.

Pikirler