توكيو قالاسىنداعى حححII جازعى وليمپيادا ويىندارىندا جوعارى ناتيجەلەر كورسەتكەن سپورتشىلارعا جانە ولاردىڭ جاتتىقتىرۋشىلارىنا 577 ميلليون تەڭگە سىياقى بەرىلەدى. اقپارات «اشىق نقا» سايتىندا جاريالاندى، دەپ حابارلايدى «ادىرنا» ءتىلشىسى.
«قازاقستان رەسپۋبليكاسى مادەنيەت جانە سپورت مينيسترلىگىنە «حالىقارالىق سپورتتىق جارىستاردىڭ چەمپيوندارى مەن جۇلدەگەرلەرىنە، جاتتىقتىرۋشىلارعا جانە سپورت تۇرلەرى بويىنشا قازاقستان رەسپۋبليكاسىنىڭ قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) مۇشەلەرىنە اقشالاي كوتەرمەلەۋدىڭ مولشەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2020 جىلعى 27 ناۋرىزداعى № 152 قاۋلىسىمەن بەكىتىلگەن مولشەردە وسى قاۋلىنىڭ قوسىمشاسىنا سايكەس توكيو قالاسىنداعى (ياپونيا) حححII جازعى وليمپيادا ويىندارىندا جوعارى ناتيجەلەر كورسەتكەن سپورتشىلارعا جانە ولاردىڭ جاتتىقتىرۋشىلارىنا بىرجولعى تولەمدەردى جۇزەگە اسىرۋ ءۇشىن 2021 جىلعا ارنالعان رەسپۋبليكالىق بيۋدجەتتە شۇعىل شىعىندارعا كوزدەلگەن قازاقستان رەسپۋبليكاسى ۇكىمەتىنىڭ رەزەرۆىنەن 577 047 700 (بەس ءجۇز جەتپىس جەتى ميلليون قىرىق جەتى مىڭ جەتى ءجۇز) تەڭگە مولشەرىندە اقشالاي قاراجات ءبولىنسىن»،– دەلىنگەن حابارلامادا.
«ادىرنا» ۇلتتىق پورتالى
