Tokıo qalasyndaǵy HHHII jazǵy Olımpıada oıyndarynda joǵary nátıjeler kórsetken sportshylarǵa jáne olardyń jattyqtyrýshylaryna 577 mıllıon teńge syıaqy beriledi. Aqparat «Ashyq NQA» saıtynda jarııalandy, dep habarlaıdy «Adyrna» tilshisi.
«Qazaqstan Respýblıkasy Mádenıet jáne sport mınıstrligine «Halyqaralyq sporttyq jarystardyń chempıondary men júldegerlerine, jattyqtyrýshylarǵa jáne sport túrleri boıynsha Qazaqstan Respýblıkasynyń qurama komandalarynyń (sport túrleri boıynsha ulttyq qurama komandalardyń) múshelerine aqshalaı kótermeleýdiń mólsherin bekitý týraly» Qazaqstan Respýblıkasy Úkimetiniń 2020 jylǵy 27 naýryzdaǵy № 152 qaýlysymen bekitilgen mólsherde osy qaýlynyń qosymshasyna sáıkes Tokıo qalasyndaǵy (Iaponııa) HHHII jazǵy Olımpıada oıyndarynda joǵary nátıjeler kórsetken sportshylarǵa jáne olardyń jattyqtyrýshylaryna birjolǵy tólemderdi júzege asyrý úshin 2021 jylǵa arnalǵan respýblıkalyq bıýdjette shuǵyl shyǵyndarǵa kózdelgen Qazaqstan Respýblıkasy Úkimetiniń rezervinen 577 047 700 (bes júz jetpis jeti mıllıon qyryq jeti myń jeti júz) teńge mólsherinde aqshalaı qarajat bólinsin»,– delingen habarlamada.
«Adyrna» ulttyq portaly
