2021 جىلعى 1 ساۋىردەن باستاپ تەمەكى ونىمدەرىنىڭ باسقا تۇرلەرىن مىندەتتى تاڭبالاۋ ەنگىزىلۋدە. اتالعان بۇيرىق قازاقستان رەسپۋبليكاسى ۇكىمەتىنىڭ «تاڭبالاۋعا جاتاتىن تاۋارلار تىزبەسىن ايقىنداۋ تۋرالى» 10.09.2020 جىلعى №568 قاۋلىسىنا سايكەس قابىلدانعان.وندىرۋشىلەر مەن ىشكى ساۋدا سۋبەكتىلەرى ءۇشىن تاۋارلاردى تاڭبالاۋ 2021 جىلعى 1 قازانعا دەيىن بولشەك ساۋدادا وتكىزۋ كەزىندە تاڭبالانعان تاۋارلاردى اينالىمنان مىندەتتى تۇردە شىعارا وتىرىپ ەنگىزىلدى.تاڭبالاۋدىڭ ماقساتى-تاڭبالانعان تاۋارلاردى ساتۋدان تۇسەتىن سالىق تۇسىمدەرىن اكىمشىلەندىرۋ جانە ۇلعايتۋ.تاۋارلاردى تاڭبالاۋ-بۇل جالعان اكتسيزدەلەتىن ونىمدەردىڭ كولەڭكەلى اينالىمىن قىسقارتۋ جولىمەن ادال وندىرۋشىلەر (يمپورتتاۋشىلار) مەن ساتۋشىلاردىڭ كىرىسىن ارتتىرۋعا مۇمكىندىك بەرەتىن تاۋارلار قوزعالىسىن قاداعالاۋ تەتىگى.قازىرگى ۋاقىتتا تاڭبالاۋدىڭ بىرىڭعاي وپەراتورى «قازاقتەلەكوم»اق بولىپ تابىلادى. 2021 جىلعى 1 قازانعا دەيىن تاڭبالاۋ كودىن كورسەتپەي تەمەكى ونىمدەرىن ساتۋ مۇمكىندىگى بەرىلەدى. 2021 جىلعى 1 قازاننان باستاپ-بارلىق تاڭبالانباعان تەمەكى ونىمدەرىنىڭ اينالىمى توقتاتىلادى.
«تاڭبالاۋ بۇل ءونىم تۋرالى ارنايى شيفرلانعان بەلگى، وندا ءوندىرۋشى تۋرالى تولىق اقپارات، سەريالىق ءنومىر جانە بۇزۋدان قورعاۋ كودى بار. ول DataMatrix كودىن پايدالانۋعا نەگىزدەلگەن. بۇل حالىقتى جالعان ونىمدەردەن قورعاۋعا مۇمكىندىك بەرەدى جانە تەمەكى ونىمدەرى اينالىمى نارىعىنىڭ اشىقتىعىن قامتاماسىز ەتەدى»،-دەيدى تالدىقورعان قالالىق مەملەكەتتىك كىرىستەر باسقارماسىنىڭ جاناما سالىقتاردى اكىمشىلەندىرۋ ءبولىمىنىڭ باسشىسى ەلدوس تۇلىمشاقوۆ.
