كاسىپكەرلەرگە Ashyq جوباسىنا تىركەلۋ وڭايىراق بولادى. Halyk Bank قازاقستاندىق بانكتەر اراسىندا ءبىرىنشى بولىپ اتامەكەن ۇكپ بىرلەسە زاڭدى تۇلعالارعا ارنالعان QR-كودتى تىركەۋ فۋنكتسياسىن ەنگىزدى. قىزمەت كورسەتۋ سالاسىمەن بايلانىستى بيزنەس وبەكتىلەرى نەمەسە Ashyq جوباسىمەن كىرۋ مىندەتتەلگەن قىزمەتكەرلەرىنىڭ سانى كوپ كومپانيالار Onlinebank-ءتىڭ ۆەب-نۇسقاسىندا QR-كودتى بىرنەشە باتىرمانى باسۋ ارقىلى جانە ونلاين الىپ، كارانتيندىك تالاپتى ساقتانا الادى.
ەستەرىڭىزگە سالا كەتەيىك، Ashyq - بۇل قوعامدىق ورىندارعا كەلۋشىلەردى تىركەۋگە ارنالعان قوسىمشا. مەكەمەگە كىرەر الدىندا پايدالانۋشى ارنايى QR-كودتى سكانەرلەيدى جانە ناتيجەسىن اكىمشىگە كورسەتەدى. قوسىمشادا ادامنىڭ ءتورت كۇيى كورسەتىلگەن: بەيتاراپ (كۇي فونى – كوك), قاۋىپسىز (جاسىل), بايلانىس (سارى) جانە جۇقتىرعان (قىزىل).
"Halyk Bank ەكىنشى دەڭگەيلى بانكتەر اراسىندا ءوزىنىڭ فينتەح-پروتسەستەرىن Ashyq تىركەۋ جۇيەسىمەن بىرىكتىرگەن العاشقى بانك بولدى. ءبىزدىڭ زاڭدى تۇلعالار ەندى ۇيدەن شىقپاي-اق Onlinebank ۆەب-نۇسقاسى ارقىلى بىرنەشە باتىرمانى باسۋ ارقىلى QR - كودتى جاساي الادى", - دەپ ءبولىستى Halyk Bank مەملەكەتتىك قىزمەتتەردى تسيفرلاندىرۋ جونىندەگى باسقارۋشى ديرەكتورى ناريمان مۇقىشەۆ.
"قازىرگى ۋاقىتتاعى كوروناۆيرۋستىق پاندەمياعا بايلانىستى ەلدەگى جاعدايدىڭ قيىن ەكەنىن ەسكەرە وتىرىپ، ەكونوميكا سالاسىنىڭ كوپتەگەن باعىتىنداعى قىزمەت كورسەتۋ جۇمىسى شەكتەلىپ، تەك Ashyq ارقىلى جۇمىس ىستەيدى. وسىعان وراي كاسىپكەرلەرگە Ashyq جۇيەسىندە تىركەلۋدىڭ ىڭعايلى ءتاسىلىن ۇسىنۋ وسى كۇردەلى كەزەڭدە بانك تاراپىنان ايتارلىقتاي قولداۋ بولادى", - دەپ ەسەپتەيدى مۇقىشەۆ.
Onlinebank-تە QR-كودتى الۋ تەك بيزنەس سۋبەكتىلەرىنە عانا بەرىلەتىنىن اتاپ ءوتتى. ول سۋبەكتىنىڭ اتاۋى، ونىڭ ورنالاسقان جەرى جانە باسقا سايكەستەندىرۋ دەرەكتەرى كورسەتىلگەن ەلەكتروندىق يدەنتيفيكاتور بولىپ تابىلادى. ءبىر وبەكتىگە كىرۋ ءۇشىن ءبىر QR كودى بەرىلەدى.
ءوز كومپانياڭىزدى Onlinebank ارقىلى Ashyq-قا تىركەۋ ءۇشىن:
- Onlinebank جۇيەسىنىڭ ۆەب-نۇسقاسىنا كىرىڭىز
- جەكە كابينەتكە كىرىپ، Ashyq فۋنكتسياسىن تاڭداڭىز
- سايكەستىك اكتىسىن الۋعا ءوتىنىم جولداڭىز
- سايكەستىك اكتىسىن الۋعا ءوتىنىمدى ماقۇلداعاننان كەيىن - ءسىز QR-كودتى الۋعا ءوتىنىم جولداي الاسىز
- دايىن! Ashyq QR-كودىن باسىپ شىعارۋعا بولادى.
ەگەر Ashyq جۇيەسىندە ادەتتەگى تىركەۋ كەزىندە كاسىپكەرلەرگە ۇكو-تان ەتسق قاجەت بولسا، ال Onlinebank ۆەب-سەرۆيسىندە QR-كودتى الۋ ءۇشىن Halyk Bank زاڭدى قولدانۋشىلارىنىڭ تسيفرلىق قولتاڭباسى قاجەت ەتەدى. تىركەۋ كەزىندە باسقا ەشتەڭە تالاپ ەتىلمەيدى جانە وفلاين قول قويۋدىڭ قاجەتى جوق.
ءوز كەزەگىندە ناريمان مۇقىشەۆ Halyk Bank-تە وسىنداي قىزمەتتىڭ پايدا بولۋى بانكتىڭ ىشكى كومانداسى: ترانزاكتسيالىق بيزنەس دەپارتامەنتى مەن Onlinebank دەپارتامەنتىنىڭ ۇلكەن ەڭبەگى بار ەكەنىن اتاپ ءوتتى.
"اتامەكەن" قر ۇلتتىق كاسىپكەرلەر پالاتاسىنىڭ اشىقتىعى مەن بيزنەسكە ارنالعان وسىنداي سەرۆيستەردى ىسكە اسىرۋعا دايىن بولعانىنا العىس ايتقىم كەلەدى. Halyk Bank-ءتىڭ وسىنداي سەرۆيستەرمەن ينتەگراتسيالاۋ بويىنشا بارلىق تالاپتارعا سايكەس كەلەتىن قاجەتتى ينفراقۇرىلىمى جانە دامىعان تەحنولوگيالارى بار ەكەنىن اتاپ وتكىم كەلەدى", - دەپ قورىتىندىلادى Halyk Bank تسيفرلاندىرۋ جونىندەگى باسقارۋشى ديرەكتورى.
"ادىرنا" ۇلتتىق پورتالى
