ۆيرۋس جۇقتىرعاندار قاتارىنان 700-دەن استام الماتىلىق قالانىڭ قوعامدىق مەكەمەلەرىنە كىرۋگە تىرىستى، دەپ حابارلايدى "ادىرنا" پورتالى قالالىق سانيتارلىق-ەپيدەميولوگيالىق باقىلاۋ دەپارتامەنتىنە (قسەبد) سىلتەمە جاساپ.
9 ءساۋىر مەن 1 شىلدە ارالىعىندا Ashyq قوسىمشاسى ارقىلى 1449 الماتىلىق «قىزىل» مارتەبەگە يە بولدى. تاعى 370 قالا تۇرعىنى «سارى» مارتەبەسىن راستادى.
مەملەكەتتىك مەكەمەلەرگە كىرە بەرىستە سكانەرلەۋ كەزىندە «قىزىل» مارتەبەسى الماتى قالاسىنىڭ 716 تۇرعىنىنا، «سارى» - 189-عا تىركەلدى. كارانتينگە ەنۋى كەرەك الماتىلىقتار كوبىنەسە تاماقتانۋ ورىندارىنا بارعىسى كەلگەن (286 «قىزىل» مارتەبەسى), سونداي-اق فيتنەس ورتالىقتارى مەن باسسەيندەردە (157 ادام).
ۇيدە وتىرىپ، QR كودىن سكانەرلەۋ كەزىندە 733 تۇرعىن «قىزىل» مارتەبەسىن، ال 181 تۇرعىن «سارى» مارتەبەسىن راستادى.سانيتارلىق قىزمەت ولاردىڭ قوعامدىق ورىندارعا، ونىڭ ىشىندە باسسەيندەرگە، ساۋنالارعا، كافەلەرگە بارعىسى كەلەتىندىگىن انىقتادى.
الماتى قسەبد CVI-مەن امبۋلاتوريالىق ەمدەلىپ جاتقان نەمەسە جۇقتىرعان ادامدارمەن بايلانىستا بولعان ازاماتتاردى جاۋاپكەرشىلىك تانىتۋعا، ءوزىن وقشاۋلاۋ ەرەجەلەرىن ساقتاۋعا جانە اينالاسىنداعى ادامداردى قاۋىپ-قاتەرگە ۇشىراتپاۋعا شاقىردى.
ەستەرىڭىزگە سالا كەتەيىك، 2 شىلدەدەن باستاپ Ashyq قىزمەتى ساۋدا ورتالىعى مەن قالا بازارلارىنا كىرە بەرىستە ىسكە قوسىلدى. جۇيەگە «كوك بازار» مەن ءىرى ساۋدا ويىن-ساۋىق ورتالىقتارى قوسىلدى.
"ادىرنا" ۇلتتىق پورتالى
