اۆتوبۋستارعا دا Ashyq جۇيەسى ەنگىزىلدى

2707
Adyrna.kz Telegram

اتىراۋدا اۆتوبۋستارعا دا Ashyq جۇيەسى ەنگىزىلدى. بۇگىننەن باستاپ قوعامدىق كولىككە جولاۋشىلار QR-كودتى سكانەرلەگەن سوڭ عانا مىنە الادى. بۇل تۋرالى “ادىرنا” ۇلتتىق پورتالى كتك ارناسىنا سىلتەپ حابارلايدى.

“قىزىل" نەمەسە "سارى" مارتەبە شىقسا، اۆتوبۋسقا وتىرۋعا رۇقسات جوق. ءوزى ناۋقاس نەمەسە اۋرۋ اداممەن بايلانىستا بولا تۇرا، كارانتين ءتارتىبىن بۇزىپ قوعامدىق كولىكپەن قالا شارلاماق بولعاندار انىقتالسا، ءتيىستى شارا قولدانىلادى.

بۇل شەشىمدى اتىراۋ قالاسىنىڭ اكىمدىگى قابىلداعان. ويتكەنى قازىر اتىراۋ ەپيداحۋالى ۋشىققان "قويۋ قىزىل" بەلدەۋدەگى 4 قالانىڭ قاتارىندا. مۇندا اپتا باسىنان بەرى باسقا دا كارانتين تالاپتارى كۇشەيتىلىپ جاتىر.

پىكىرلەر