ميسسۋريدەگى فەدەرالدى سوت قىتاي ۇكىمەتىن كوروناۆيرۋس پاندەمياسى تۋرالى اقپاراتتى ادەيى جاسىردى دەپ ايىپتاپ، 24 ميلليارد تەڭگە كولەمىندە وتەماقى تالاپ ەتتى، دەپ حابارلايدى "ادىرنا" ۇلتتىق پورتالى The New York Times باسىلىمىنا سىلتەمە جاساپ.
ايىپتاۋ شاعىمىن ءميسسۋريدىڭ باس پروكۋرورى ەريك شميتت 2020 جىلى بەرگەن. قۇجاتتا قىتاي ۇكىمەتى پاندەميانىڭ العاشقى كەزەڭدەرىندە ۆيرۋستىڭ تارالۋى جايلى اقپاراتتى جاسىرعانى، وسىنىڭ سالدارىنان باسقا ەلدەرگە جەكە قورعانىس قۇرالدارى مەن مەديتسينالىق قۇرىلعىلاردى ساتىپ الۋعا كەدەرگى كەلتىرگەنى جازىلعان.
سوت شەشىمىندە قىتاي پاندەميانىڭ قاۋىپىن جاسىرىپ، جەكە قورعانىس زاتتارىن وندىرۋدە مونوپوليا ورناتۋعا تىرىسقانى ايتىلعان. بۇل اقش-تىڭ ۆيرۋستىڭ تارالۋىنا دەر كەزىندە ارەكەت ەتۋىنە قيىندىق تۋعىزعان.
الايدا، ۆاشينگتونداعى قىتاي ەلشىلىگىنىڭ وكىلى ليۋ پەنيۋي سوت شەشىمىن مويىندامايتىنىن مالىمدەدى.
