الماتىدا كوروناۆيرۋس ينفەكتسياسىن جۇقتىرعان تاعى 1 ادام تىركەلدى. بۇل تۋرالى قر دەنساۋلىق ساقتاۋ مينيسترلىگى حابارلادى.
مينيسترلىك كوروناۆيرۋس ينفەكتسياسى بويىنشا قازاقستاندا 19 ناۋرىز ساعات 08.00-دەگى جاعدايعا قاتىستى اقپارات تاراتتى.
كوروناۆيرۋس ىندەتىن جۇقتىرعان تاعى 1 ادام الماتى قالاسىندا تىركەلدى. وسى ساعاتتا الماتى قالاسىندا – 19 ادام، نۇر-سۇلتان قالاسى بويىنشا –18 ادام، جالپى 37 ناۋقاس تىركەلدى، – دەلىنگەن.
مينيسترلىگىنىڭ رەسمي وكىلى دياس احمەتشارىپ:
"كوروناۆيرۋس جۇقتىرعان - 1979 جىلعى رەسەي ازاماتى. الماتىعا 15 ناۋرىزدا ماسكەۋدەن كەلگەن. قازىر ول ستاتسيوناردا، جاعدايى قاناعاتتانارلىق، – دەپ حابارلادى.
