ءماجىلىستىڭ ەكس-دەپۋتاتى نۇرجان التاەۆ "گوۆوريت موسكۆا"-عا بەرگەن سۇحباتىندا قازاق ءتىلىن قورلاعان ءورىستىلدى اۋديتوريانىڭ ادامدارىن، ولاردىڭ قازاق تىلىنە قارسى ارەكەتتەرىن اقتاعانداي پىكىر ايتىپ وتىر.
سىزدەر وزدەرىڭىز قاشاننان بەرى كورىپ وتىرسىزدار عوي، ءورىستىلدى ورتانىڭ قازاق ءتىلدى ورتاعا، اسىرەسە قازاق تىلىنە جاساعان كەرى ارەكەتتەرىن. دومبىرامىزدى جەرگە ۇراپ سىندىرادى، ءتىلىمىزدى تاپتايدى، "پەششەرنىي ناتسيوناليستتەر" دەپ جەرگە تىعادى. مەملەكەتتى قۇرۋشى قازاق ۇلتى ءۇشىن بۇدان باسقا قانداي قورلىق پەن مازاق كەرەك!؟
التاەۆ ءوزىنىڭ سوزىندە ءورىستىلدى ورتانىڭ قازاق ءتىلدى ورتاعا جاساپ وتىرعان تىرلىكتەرىنىڭ بارلىعىن ءتىزىپ كەلە، مۇنى بارلىعى "جالا" دەپ توقتاپتى. ءبىزدىڭ ەلدە قازاقى رۋحنيات پەن قۇندىلىقتاردى مازاقتاپ، سوڭىنان كەشىرىم سۇراپ جاتاتىندار قانشاما. ءبىز كەشىرىمشىلىمىز عوي، كەشىرە بەرەمىز. بۇلار قايتالاي بەرەدى.
قازاقى قۇندىلىقتار مەن رۋحانياتقا كەسىرىن تيگىزىپ وتىرعانداردىڭ دەرلىك ءبارى وسى ءورىستىلدى ورتانىڭ ادامدارى. ال، التاەۆ بولسا "گوۆوريت موسكۆا"-عا بەرگەن سۇحباتىندا وسىنىڭ بارلىعى "جالا" دەي كەلە، مۇنداي ىستەر تەك زاڭ اياسىندا شەشىمىن تابۋى كەرەك دەپتى. زاڭ مەملەكەتتىك ءتىل ماسەلەسىنە كەلگەندە قانداي دۇرىس شەشىمدەر جاساپتى؟
ال، ءتىلدىڭ ماسەلەسىنە كەلگەندە زاڭ اياسىندا قانداي كوڭىل كونشىتەر شارۋالار شەشىلىپ جاتىر؟ كورسەتىپ بەرىڭىزدەرشى!
ەلىمىزدە مەملەكەتتىك ءتىلدىڭ مارتەبەسى بويىنشا دەنى دۇرىس زاڭ ءالى قابىلدانعان جوق. قازاق ءتىلىنىڭ مۇددەسى ءۇشىن سوت شەشىمىنە حالىقتىڭ سەنىمى باياعىدا ولگەن.
سوندىقتان دا التاەۆتىڭ ءورىستىلدى ورتانى قورعاشتاپ وتىرعانىنىڭ بارلىعى دا نەگىزسىز، كەرسىنشە، ءورىستىلدى ورتانىڭ ازاماتتارىن جاقتاپ، سويىلىن سوعىپ وتىرعان سياقتى.
بەكبولات قارجان،
"ادىرنا" ۇلتتىق پورتالى
