مەملەكەتتىك كەڭەسشى ەرلان قارين جاڭا كونستيتۋتسيا جوباسىندا مەملەكەتتىك تىلگە لايىقتى مارتەبە بەرىلگەنىن اتاپ ءوتتى، دەپ حابارلايدى "ادىرنا" ۇلتتىق پورتالى.
ونىڭ سوزىنشە، جاڭا جوبادا «كونستيتۋتسيالىق قۇرىلىس نەگىزدەرى» دەپ اتالاتىن 1-ءبولىمنىڭ 9-بابىنىڭ 1-تارماعىندا قازاقستان رەسپۋبليكاسىنىڭ مەملەكەتتىك ءتىلى – قازاق ءتىلى دەپ ناقتى كورسەتىلگەن.
«بىزدە مەملەكەتتىك ءتىل بىرەۋ. ول – قازاق ءتىلى. باسقا مەملەكەتتىك ءتىل جوق»، — دەدى ەرلان قارين.
مەملەكەتتىك كەڭەسشى قازاق ءتىلىنىڭ ەل ومىرىندە بيىك تۇعىردا ەكەنىن اتاپ، ونىڭ مارتەبەسىن ساقتاۋ ءۇشىن ەڭ الدىمەن مەملەكەتتىڭ بەرىكتىگى مەن ەل بىرلىگىن قامتاماسىز ەتۋ كەرەكتىگىن ايتتى.
جاڭا كونستيتۋتسيا جوباسىندا سونداي-اق مەملەكەتتىك مەكەمەلەر مەن ءوزىن-ءوزى باسقارۋ ۇيىمدارىندا ورىس ءتىلىنىڭ مەملەكەتتىك تىلمەن قاتار قولدانىلاتىنى كورسەتىلگەن.
