اقش پرەزيدەنتىنىڭ اكىمشىلىگى اۋعانستانعا قايتادان مىڭداعان اسكەردى تاعى دا بىتىمگەرلىك جولمەن كىرگىزەتىنىن مالىمدەدى. بۇل جولى اقش ۇكىمەتى اۋعانستانداعى ءوز ەلشىلىگىنىڭ ازاماتتارى مەن جەرگىلىكتى تۇرعىنداردىڭ قاۋىپسىزدىگى ءۇشىن وسىلاي جاسايتىنىن ايتىپتى.
بۇل جايىندا اقش-تىڭ مەملەكەتتىك دەپارتامەنتىنىڭ وكىلى نەد پرايس رەسمي اقپارات تاراتتى. نەد پرايس ءمالىم ەتكەن اقپارات The Washington Post-تا جاريالاندى. قازىر پەنتاگوندا وسى ماسەلە تالقىلانىپ جاتىر.
نەد پرايستىڭ ايتۋىنشا، اقش-تىڭ اسكەري بىتىمگەرلىك كۇشتەرى سوندا قالادى. ءارى ولاردىڭ اسكەري الەۋەتىن ارتتىرۋ جالعاسا بەرەدى. سونىمەن قاتار ەلشىلىكتەگى پەرسونالدار دا ساقتالادى. بۇل اۋعانستان مەن اقش بيلىگى اراسىنداعى ديپلوماتيالىق قارىم-قاتىناستىڭ ساقتالۋىنا سەرپىن بەرەدى.
نەد پرايس اقش اۋعانستانعا ناقتى سانى قانشا اسكەر جىبەرىلەتىنىن ايتپادى. بىراق مىڭداعان دەگەن بەلگىسىز ساندى ايتتى. قازىر اقش Twitter-ىندە وسى جايىندا قىزۋ تالقىلاۋلار بولىپ جاتىر.
كەشە عانا رەسەي مەن قىتايدىڭ اسكەري سالادا بىرلەسكەن ء"وزارا ىقپالداستىق 2021" اسكەري جاتتىعۋلارى ءوتىپ ەدى. سونىڭ ءوزى اقش ءۇشىن كوپ دۇنيەنىڭ باسىن اشىپ كورسەتتى. سوندىقتان دا اقش ءوزىنىڭ كارى قۇرلىقتاعى گەوساياسي ىقپالىنان ايىرىلعىسى كەلمەيتىنىن كورسەتىپ، وسىنداي قادامدارعا بارىپ وتىرعانى انىق.
بەكبولات قارجان،
"ادىرنا" ۇلتتىق پورتالى
