AQŞ prezidentınıŋ äkımşılıgı Auǧanstanǧa qaitadan myŋdaǧan äskerdı taǧy da bıtımgerlık jolmen kırgızetının mälımdedı. Būl joly AQŞ ükımetı Auǧanstandaǧy öz elşılıgınıŋ azamattary men jergılıktı tūrǧyndardyŋ qauıpsızdıgı üşın osylai jasaitynyn aitypty.
Būl jaiynda AQŞ-tyŋ memlekettık departamentınıŋ ökılı Ned Prais resmi aqparat taratty. Ned Prais mälım etken aqparat The Washington Post-ta jariialandy. Qazır Pentagonda osy mäsele talqylanyp jatyr.
Ned Praistyŋ aituynşa, AQŞ-tyŋ äskeri bıtımgerlık küşterı sonda qalady. Ärı olardyŋ äskeri äleuetın arttyru jalǧasa beredı. Sonymen qatar elşılıktegı personaldar da saqtalady. Būl Auǧanstan men AQŞ bilıgı arasyndaǧy diplomatiialyq qarym-qatynastyŋ saqtaluyna serpın beredı.
Ned Prais AQŞ Auǧanstanǧa naqty sany qanşa äsker jıberıletının aitpady. Bıraq myŋdaǧan degen belgısız sandy aitty. Qazır AQŞ Twitter-ınde osy jaiynda qyzu talqylaular bolyp jatyr.
Keşe ǧana Resei men Qytaidyŋ äskeri salada bırlesken "Özara yqpaldastyq 2021" äskeri jattyǧulary ötıp edı. Sonyŋ özı AQŞ üşın köp dünienıŋ basyn aşyp körsettı. Sondyqtan da AQŞ özınıŋ kärı qūrlyqtaǧy geosaiasi yqpalynan aiyrylǧysy kelmeitının körsetıp, osyndai qadamdarǧa baryp otyrǧany anyq.
Bekbolat QARJAN,
"Adyrna" ūlttyq portaly
Ūqsas jaŋalyqtar
