AQSh prezıdentiniń ákimshiligi Aýǵanstanǵa qaıtadan myńdaǵan áskerdi taǵy da bitimgerlik jolmen kirgizetinin málimdedi. Bul joly AQSh úkimeti Aýǵanstandaǵy óz elshiliginiń azamattary men jergilikti turǵyndardyń qaýipsizdigi úshin osylaı jasaıtynyn aıtypty.
Bul jaıynda AQSh-tyń memlekettik departamentiniń ókili Ned Praıs resmı aqparat taratty. Ned Praıs málim etken aqparat The Washington Post-ta jarııalandy. Qazir Pentagonda osy másele talqylanyp jatyr.
Ned Praıstyń aıtýynsha, AQSh-tyń áskerı bitimgerlik kúshteri sonda qalady. Ári olardyń áskerı áleýetin arttyrý jalǵasa beredi. Sonymen qatar elshiliktegi personaldar da saqtalady. Bul Aýǵanstan men AQSh bıligi arasyndaǵy dıplomatııalyq qarym-qatynastyń saqtalýyna serpin beredi.
Ned Praıs AQSh Aýǵanstanǵa naqty sany qansha ásker jiberiletinin aıtpady. Biraq myńdaǵan degen belgisiz sandy aıtty. Qazir AQSh Twitter-inde osy jaıynda qyzý talqylaýlar bolyp jatyr.
Keshe ǵana Reseı men Qytaıdyń áskerı salada birlesken "Ózara yqpaldastyq 2021" áskerı jattyǵýlary ótip edi. Sonyń ózi AQSh úshin kóp dúnıeniń basyn ashyp kórsetti. Sondyqtan da AQSh óziniń kári qurlyqtaǵy geosaıası yqpalynan aıyrylǵysy kelmeıtinin kórsetip, osyndaı qadamdarǵa baryp otyrǵany anyq.
Bekbolat QARJAN,
"Adyrna" ulttyq portaly
