يران پارلامەنتىنىڭ سپيكەرى موحامماد باگەر گاليباف يسلاماباد قالاسىنا رەسمي ساپارمەن باردى، دەپ حابارلايدى "ادىرنا" ۇلتتىق پورتالى Al Jadeed News اگەنتتىگىنە سىلتەمە جاساپ.
مالىمەتتەرگە سايكەس، گاليباف تەگەراننان ارنايى ۇشاقپەن پاكىستان استاناسىندا كەلىسسوزدەر جۇرگىزۋگە كەلگەن.. ساپار بارىسىندا نەگىزگى نازار ورمۇز بۇعازى توڭىرەگىندەگى جاعدايعا اۋدارىلعان.
پاكىستاندىق باق-تىڭ حابارلاۋىنشا، يران وكىلى بۇل ماسەلەنى امەريكالىق رەسمي تۇلعالارمەن دە تالقىلاعان. سونىمەن قاتار كەيبىر دەرەكتەردە گاليبافتىڭ ساپارى «اقش پەن ءيزرايلدىڭ رۇقساتىمەن» جۇزەگە اسقانى ايتىلعان. پاكىستاننىڭ ارااعايىندىعىمەن يران-امەريكا كەلىسسوزى تۋرالى دا ءجيى ايتىلادى.
الايدا بۇل اقپاراتتىڭ رەسمي تۇردە راستالعانى نەمەسە تەرىسكە شىعارىلعانى تۋرالى ناقتى مالىمەت بەرىلمەگەن. ساپاردىڭ نەگىزگى ماقساتى ايماقتاعى شيەلەنىسكە بايلانىستى قاۋىپسىزدىك پەن لوگيستيكالىق ماسەلەلەردى تالقىلاۋ بولعانى اتاپ وتىلۋدە.
ايتا كەتەيىك، بۇعان دەيىن اقش پرەزيدەنتى يرانمەن تاياۋ شىعىستاعى ارازدىقتى تولىق جانە تۇپكىلىكتى شەشۋ ماسەلەسى بويىنشا وتە جاقسى ءارى ناتيجەلى كەلىسسوزدەر جۇرگىزگەنى تۋرالى جازعان ەدى.
