اقش-تا تىكۇشاق اپاتقا ۇشىرادى. الدىن الا مالىمەت بويىنشا، امان قالعاندار جوق، دەپ حابارلايدى "ادىرنا" ۇلتتىق پورتالى Liter.kz-كە سىلتەمە جاساپ.
توتەنشە جاعداي 6 قىركۇيەك كۇنى تۇستەن كەيىن ميننەسوتا شتاتىنىڭ لەيكۆيلل قالاسىنىڭ جانىنداعى ەيرلەيك اۋەجايىنىڭ ماڭىندا بولعان.
«تىكۇشاق جەرگىلىكتى ۋاقىتپەن شامامەن 14:45-تە قۇلاپ، بىردەن ورتەنىپ كەتتى. اۋە كولىگى ۇيلەر مەن كاسىپورىندار جوق، ادام تۇرمايتىن اۋماققا تۇسكەن. ازىرگە بورتتا قانشا ادام بولعانى بەلگىسىز. بەلگىلىسى، Robinson R66 تىكۇشاعى ءبىر ۇشقىش پەن ءتورت جولاۋشىعا دەيىن تاسىمالداۋعا ارنالعان»، – دەلىنگەن.
وقيعا ورنىنا قۇتقارۋشىلار مەن اقش-تىڭ كولىكتەگى قاۋىپسىزدىك جونىندەگى ۇلتتىق كەڭەسىنىڭ وكىلدەرى بارعان.
ساراپشىلاردىڭ ايتۋىنشا، ءورت جەرگە سوعىلعاننان كەيىن تۇتانعان. قايعىلى وقيعانىڭ سەبەپتەرى انىقتالۋدا.
