ەل پرەزيدەنتى قاسىم-جومارت توقاەۆتىڭ «ەگىس دالاسىنان دۇكەن سورەسىنە دەيىن» اتتى پيلوتتىق جوباسىن جۇزەگە اسىرۋدى مىندەتتەدى. وسى ماقساتتا مۇرات ايتەنوۆ شىمكەنت قالاسىندا الەۋمەتتىك دۇكەندەر سانىن كوبەيتۋدى تاپسىردى. بۇگىن ازىق-تۇلىك باعالارىن تۇراقتاندىرۋ شارالارى اياسىندا «QAZ ەت» الەۋمەتتىك دۇكەنىنىڭ ەكىنشى جەلىسى اشىلدى.
الەۋمەتتىك دۇكەننىڭ وزگە ازىق-تۇلىك دۇكەندەرىنەن ەرەكشەلىگى - حالىق كۇندەلىكتى ءبىرىنشى كەزەكتە تۇتىناتىن ازىق-تۇلىك ونىمدەرىن تومەن ءارى بەلگىلەنگەن باعادا ساتۋى.كەلىسىمشارت نەگىزىندە الداعى ۋاقىتتا شارۋاقوجالىق جوسپارعا سايكەس قالامىزدىڭ حالقى تىعىز ورنالاسقان ايماقتاردا جىل سوڭىنا دەيىن قوسىمشا تاعى 3 الەۋمەتتىك دۇكەن جانە 4 جىلجىمالى ەت ونىمدەرىن ساتاتىن ساۋدا تىركەمەلەرىن ىسكە قوسۋدى جوسپارلاۋدا. وندا ادەتتەگىدەي كوكونىس جانە ەت ونىمدەرى بەلگىلەنگەن باعادا ساتىلاتىن بولادى.
اسقار قانىبەكوۆ - شىمكەنت قالاسى اۋىل شارۋاشىلىعى جانە ۆەتەريناريا باسقارماسىنىڭ باسشىسى
ال، شارۋاشىلىقتىڭ بۇگىنگى العاشقى اشىلعان جالپى اۋماعى 70 شارشى مەتردى قۇرايتىن «QAZ ەت» الەۋمەتتىك دۇكەنىندە 10 ادام تۇراقتى جۇمىسپەن قامتىلعان. بۇل دۇكەن الداعى ۋاقىتتا قالامىزدىڭ تۇرعىندارىن ساپالى ءارى بەلگىلەنگەن باعادا ازىق-تۇلىك ونىمدەرىن ساتىپ الۋىنا ءوز سەپتىگىن تيگىزەرى ءسوزسسىز.
بۇدان بولەك، شىمكەنت قالاسىندا الەۋمەتتىك ازىق-تۇلىك تاۋارلار باعاسىن تۇراقتاندىرۋ ماقساتىندا «گراماد»، «فيركان» ءىرى ساۋدا ورتالىقتارىندا الەۋمەتتىك 19 تاۋاردى بەكىتىلگەن شەكتىك باعادا ساۋدالانۋدا. سونىمەن قاتار، قالانىڭ 4 جەرىندە ازىق-تۇلىك جارمەڭكەلەرى تۇراقتى تۇردە ۇيىمداستىرىلىپ، تۇتىنۋ تاۋارلارى نارىق باعاسىنان 10-15 پايىزعا تومەن باعادا ساتىلىپ كەلەدى.
نازكەن سكاندار
