El Prezıdenti Qasym-Jomart Toqaevtyń «Egis dalasynan dúken sóresine deıin» atty pılottyq jobasyn júzege asyrýdy mindettedi. Osy maqsatta Murat Áıtenov Shymkent qalasynda áleýmettik dúkender sanyn kóbeıtýdi tapsyrdy. Búgin azyq-túlik baǵalaryn turaqtandyrý sharalary aıasynda «QAZ ET» áleýmettik dúkeniniń ekinshi jelisi ashyldy.
Áleýmettik dúkenniń ózge azyq-túlik dúkenderinen ereksheligi - halyq kúndelikti birinshi kezekte tutynatyn azyq-túlik ónimderin tómen ári belgilengen baǵada satýy.Kelisimshart negizinde aldaǵy ýaqytta sharýaqojalyq josparǵa sáıkes qalamyzdyń halqy tyǵyz ornalasqan aımaqtarda jyl sońyna deıin qosymsha taǵy 3 áleýmettik dúken jáne 4 jyljymaly et ónimderin satatyn saýda tirkemelerin iske qosýdy josparlaýda. Onda ádettegideı kókónis jáne et ónimderi belgilengen baǵada satylatyn bolady.
Asqar Qanybekov - Shymkent qalasy Aýyl sharýashylyǵy jáne veterınarııa basqarmasynyń basshysy
Al, sharýashylyqtyń búgingi alǵashqy ashylǵan jalpy aýmaǵy 70 sharshy metrdi quraıtyn «QAZ ET» áleýmettik dúkeninde 10 adam turaqty jumyspen qamtylǵan. Bul dúken aldaǵy ýaqytta qalamyzdyń turǵyndaryn sapaly ári belgilengen baǵada azyq-túlik ónimderin satyp alýyna óz septigin tıgizeri sózssiz.
Budan bólek, Shymkent qalasynda áleýmettik azyq-túlik taýarlar baǵasyn turaqtandyrý maqsatynda «Gramad», «Fırkan» iri saýda ortalyqtarynda áleýmettik 19 taýardy bekitilgen shektik baǵada saýdalanýda. Sonymen qatar, qalanyń 4 jerinde azyq-túlik jármeńkeleri turaqty túrde uıymdastyrylyp, tutyný taýarlary naryq baǵasynan 10-15 paıyzǵa tómen baǵada satylyp keledi.
Nazken Skandar
