شىمكەنتتىڭ شالعايداعى شاعىناۋداندارىن ساپالى ەلەكتر جارىعىمەن قامتاماسىز ەتۋ ماقساتىنداعى جۇمىستار جۇيەلى تۇردە جۇرگىزىلىپ كەلەدى. ول ۇنەمى قالا اكىمى مۇرات ايتەنوۆتىڭ باقىلاۋىندا. جاقىندا عانا بىرقاتار قۇرىلىس باسىندا بولعان قالا باسشىسى ەڭ الدىمەن حالىققا ساپالى اۋىز سۋ مەن مەمەلكەتتىك جارىقتى جەتكىزىپ بەرۋدى تاپسىرعان بولاتىن.
«1-م-1» قوسالقى ستانتسياسىنىڭ قۇرىلىسى 2019-2021 جىلدار ارالىعىنا جوسپارلانعان. جوباننىڭ جالپى قۇنى - 4,6 ملرد تەڭگەنى قۇرايدى. قوسالقى ستانتسيا زامان تالابىنا ساي، جابىق جاعدايدا سالىنعان. بۇگىندە مۇنداعى جۇمىستار اياقتالۋعا جاقىن. ورناتىلعان ترانسفورماتورلاردى تەكسەرىستەن وتكىزىپ، پىسىقتاۋ جۇمىستارىن جۇرگىزىپ جاتقان مەردىگەر مەكەمە اقاۋى انىقتالىپ كەرى قايتارىلعان كابەل سىمدارىن كۇتىپ وتىرمىز، دەيدى.
جاندوس ورىنباسار - «ەلەكترومونتاج» اق كەنتاۋ قالالىق فيليالىنىڭ ديرەكتورى
«1-م-1» قوسالقى ستانتسياسى ىسكە قوسىلسا قالانىڭ 5 بىردەي ەلدىمەكەنى ساپالى قۋات كوزىنە قوسىلادى دەپ كۇتىلۋدە. اتاپ ايتار بولساق، ولار اسار-2, سولتۇستىك ساياجاي، قايناربۇلاق، دوستىق، قايتپاس-2 شاعىناۋداندارىنداعى 60 مىڭعا جۋىق تۇرعىن قامتىلادى دەپ كوزدەلۋدە. قورەكتەندىرۋ جەلىسى 110 كۆ قۇرايتىن قوسالقى ستانتسيا بوزارىق ستانتسياسىنان قۋات الاتىن بولادى.
ەسبول ۋليكوۆ - شىمكەنت قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ ءبولىم باسشىسى
ميلليوندى قالانى ساپالى ەلەكتر جارىعىمەن قامتاماسىز ەتۋ ماقساتىندا ءدال قازىرگى تاڭدا 3 قوسالقى ستانتسيانىڭ قۇرىلىسى جۇرگىزىلۋدە. ولار بوزارىق، اقجار، 1-م-1 ستانتسيالارى. ەگەر دە بوزارىق ستانتسياسى ىسكە قوسىلسا، 4 بىردەي قوسالقى ستانتسيالار ياعني، 1-م-1, استانا 1, استانا 2, ءنۇرسات ستانتسيالارى سول جەردەن توك كوزىن الىپ، تۇرعىندارعا تاراتىن بولادى. ال، 220 كۆ بوزارىقتى قوسۋ جۇمىستارى تامىزدىڭ اياعىنا جوسپارلانىپ وتىر.
گ.اسقارقىزى
