Shymkenttiń shalǵaıdaǵy shaǵynaýdandaryn sapaly elektr jaryǵymen qamtamasyz etý maqsatyndaǵy jumystar júıeli túrde júrgizilip keledi. Ol únemi qala ákimi Murat Áıtenovtiń baqylaýynda. Jaqynda ǵana birqatar qurylys basynda bolǵan qala basshysy eń aldymen halyqqa sapaly aýyz sý men memelkettik jaryqty jetkizip berýdi tapsyrǵan bolatyn.
«1-M-1» qosalqy stanııasynyń qurylysy 2019-2021 jyldar aralyǵyna josparlanǵan. Jobannyń jalpy quny - 4,6 mlrd teńgeni quraıdy. Qosalqy stanııa zaman talabyna saı, jabyq jaǵdaıda salynǵan. Búginde mundaǵy jumystar aıaqtalýǵa jaqyn. Ornatylǵan transformatorlardy tekseristen ótkizip, pysyqtaý jumystaryn júrgizip jatqan merdiger mekeme aqaýy anyqtalyp keri qaıtarylǵan kabel symdaryn kútip otyrmyz, deıdi.
Jandos Orynbasar - «Elektromontaj» AQ Kentaý qalalyq fılıalynyń dırektory
«1-M-1» qosalqy stanııasy iske qosylsa qalanyń 5 birdeı eldimekeni sapaly qýat kózine qosylady dep kútilýde. Atap aıtar bolsaq, olar Asar-2, Soltústik saıajaı, Qaınarbulaq, Dostyq, Qaıtpas-2 shaǵynaýdandaryndaǵy 60 myńǵa jýyq turǵyn qamtylady dep kózdelýde. Qorektendirý jelisi 110 kV quraıtyn qosalqy stanııa Bozaryq stanııasynan qýat alatyn bolady.
Esbol Ýlıkov - Shymkent qalalyq energetıka jáne ınfraqurylymdy damytý basqarmasynyń bólim basshysy
Mıllıondy qalany sapaly elektr jaryǵymen qamtamasyz etý maqsatynda dál qazirgi tańda 3 qosalqy stanııanyń qurylysy júrgizilýde. Olar Bozaryq, Aqjar, 1-M-1 stanııalary. Eger de Bozaryq stanııasy iske qosylsa, 4 birdeı qosalqy stanııalar ıaǵnı, 1-M-1, Astana 1, Astana 2, Nursát stanııalary sol jerden tok kózin alyp, turǵyndarǵa taratyn bolady. Al, 220 kV Bozaryqty qosý jumystary tamyzdyń aıaǵyna josparlanyp otyr.
G.Asqarqyzy
