شىمكەنت قالاسىنىڭ اكىمى مۇرات ايتەنوۆ قالاداعى بىرقاتار قۇرىلىس نىساندارىن ارالادى. سولاردىڭ ءبىرى - قوناەۆ داڭعىلى جالعاسىندا جۇرگىزىلىپ جاتقان قۇرىلىس جۇمىستارى. بۇگىندە 3-كەزەڭگە سايكەس تەرەشكوۆا كوشەسىنەن بوگەت كوشەسىنە دەيىنگى ارالىقتا جۇمىستار قارقىندى جۇرۋدە.اتالعان كوشە بويىنشا ورتاشا جوندەۋ جۇمىستارى 2020-2021جىلدار ارالىعىنا جوسپارلانعان. شىمكەنت قالاسىنىڭ ماڭىزدى كوشەسى سانالاتىن بۇل داڭعىلدىڭ قۇرىلىس جۇمىستارى «كازاحدورستروي» جشس-نا جۇكتەلگەن.
3-كەزەڭدەگى جۇمىستار جالپى ۇزىندىعى 6 جولاقتى 0,561 شاقىرىمدى قۇرايدى. ال جولدىڭ ەنى 42 مەتر. بۇگىنگى تاڭدا 700 م ەكى باعىتتى اينالما تەمىر جولىن، 948م كارىز قۇبىرىن سالۋ، 3,4 شاقىرىم كابەل جەلىلەرى، 24 تەمىر جول ەلەكتر باعانالارىن جانە 2 دانا جەر استى جاياۋ جۇرگىنشىلەر وتكەلدەرىن ورناتۋ، تەمىر جول وتكەلىنىڭ 24 دانا سۆاي قۇيۋ، 12000م3 جەر جۇمىستارى جانە 2 دانا تەمىر جول كوپىرىنىڭ نەگىزىن قۇيۋ جانە 2 دانا تەمىرجول بالكالارىن ورناتۋ جۇمىستارى ورىندالعان.قازىرگى ۋاقىتتا تىرەۋ قابىرعالارىن قۇيۋ، ينجەنەرلىك جەلىلەردىڭ ورنىن اۋىستىرۋ، مەملەكەت مۇقتاجىنا الىنعان ۇيلەردى ءسۇرۋ جۇمىستارى جۇرگىزىلۋدە. تەمىر جول استىنان وتەتىن جول وتكەلىنىڭ قازۋ جۇمىستارىن جالعاستىرۋ ءۇشىن تەرەشكوۆا كوشەسىنەن تەمىر جولعا دەيىنگى نىسانداردى مەملەكەت مۇقتاجىنا قايتارۋ قاجەتتىگى تۋىپ وتىر. وسىعان وراي، قالا اكىمى مەملەكەت مۇقتاجدىعىنا قايتارۋ كەرەك ۇيلەردىڭ تۇرعىندارىمەن كەلىسسوزدەر جۇرگىزىپ، حالىققا ءتيىمدى بولاتىن جاعدايلاردى قاراستىرۋ كەرەكتىگىن جەتكىزدى.
