Shymkent qalasynyń ákimi Murat Áıtenov qaladaǵy birqatar qurylys nysandaryn aralady. Solardyń biri - Qonaev dańǵyly jalǵasynda júrgizilip jatqan qurylys jumystary. Búginde 3-kezeńge sáıkes Tereshkova kóshesinen Bóget kóshesine deıingi aralyqta jumystar qarqyndy júrýde.Atalǵan kóshe boıynsha ortasha jóndeý jumystary 2020-2021jyldar aralyǵyna josparlanǵan. Shymkent qalasynyń mańyzdy kóshesi sanalatyn bul dańǵyldyń qurylys jumystary «KazahDorStroı» JShS-na júktelgen.
3-kezeńdegi jumystar jalpy uzyndyǵy 6 jolaqty 0,561 shaqyrymdy quraıdy. Al joldyń eni 42 metr. Búgingi tańda 700 m eki baǵytty aınalma temir jolyn, 948m káriz qubyryn salý, 3,4 shaqyrym kabel jelileri, 24 temir jol elektr baǵanalaryn jáne 2 dana jer asty jaıaý júrginshiler ótkelderin ornatý, temir jol ótkeliniń 24 dana svaı quıý, 12000m3 jer jumystary jáne 2 dana temir jol kópiriniń negizin quıý jáne 2 dana temirjol balkalaryn ornatý jumystary oryndalǵan.Qazirgi ýaqytta tireý qabyrǵalaryn quıý, ınjenerlik jelilerdiń ornyn aýystyrý, memleket muqtajyna alynǵan úılerdi súrý jumystary júrgizilýde. Temir jol astynan ótetin jol ótkeliniń qazý jumystaryn jalǵastyrý úshin Tereshkova kóshesinen temir jolǵa deıingi nysandardy memleket muqtajyna qaıtarý qajettigi týyp otyr. Osyǵan oraı, qala ákimi memleket muqtajdyǵyna qaıtarý kerek úılerdiń turǵyndarymen kelissózder júrgizip, halyqqa tıimdi bolatyn jaǵdaılardy qarastyrý kerektigin jetkizdi.
